rKTs

e-texts navigator

Volume

Page

296b₁ shes pa dang / bdag med pa gnyis rnam par dbye ba dang rab tu 'jug pa'i mtshan nyid ni 'di lta ste/ ming dang / rgyu mtshan dang / rnam par rtog pa dang / yang dag pa'i ye shes dang / de bzhin nyid de/ rnal 'byor pa rnams kyis bsgoms na/ de bzhin gshegs
296b₂ pa'i rang gis rig pa 'phags pa'i tshul la rab tu 'jug cing rtag pa dang / chad pa dang / yod pa dang / med pa la sogs pa'i lta ba spangs nas mthong ba'i chos la bde bar snyoms par 'jug pa la gnas pa mngon sum du 'gyur ro/ /blo gros chen po
296b₃ chos lnga dang / rang bzhin dang / rnam par shes pa dang / bdag med pa gnyis dang / rang gi sems snang ba dang / phyi rol gyi dngos po de dag khong du ma chud pa'i phyir so so'i skye bo rnam par rtog par byed kyi 'phags pa rnams ni ma yin no/ /blo gros chen pos bcom ldan
296b₄ 'das la gsol pa/ bcom ldan 'das ji ltar na byis pa so so'i skye bo rnams rnam par rtog pa skye la 'phags pa rnams kyis ma lags/ bcom ldan 'das kyis bka' stsal pa/ blo gros chen po byis pa so so'i skye bo rnams kun rdzob kyi brda'i ming
296b₅ dang rgyu mtshan la mngon par zhen pas sems kyi rjes su 'brang ngo / /rjes su 'brangs nas mtshan ma'i kha dog sna tshogs 'dod pas bdag dang bdag gir lta bar lhung ba'i bsam pa can rnams gzugs bzang po la mngon par zhen par byed de/ mngon par zhen
296b₆ nas mi shes pas bsgribs pa'i phyir mngon par chags pa bskyed do/ /mngon par chags par gyur nas ni 'dod chags dang / zhe sdang dang / gti mug las byung ba'i las bsags so/ /mngon par bstsags nas ni rnam par rtog pas rang la 'ching bar
296b₇ byed de/ ji ltar dar gyi srin bu skon pa byed pa bzhin du 'khor ba'i rgya mtshor 'gro ba rnams kyi skon par lhung ba ni zo chun gyi 'khrul 'khor bzhin te/ 'di ltar gti mug pa'i phyir sgyu ma dang / smig rgyu dang / chu'i zla ba dang mtshungs par rang
296b₈ bzhin gyis bdag dang bdag gi dang bral bar ma shes nas yang dag pa ma yin pa'i rnam par rtog pa thams cad skyed par byed do/ /mtshan nyid dang / mtshan nyid kyi gzhi dang / skye ba dang / 'jig pa dang bral ba rang gi sems kyi rnam par rtog pa

_{iiif viewer powered by OpenSeadragon}

296a - 297a

Texts on this page