rKTs

e-texts navigator

Volume

Page

296a₁ sems dpa' shes rab can rnams kyi spyod yul yin te/ de lta bas na blo gros chen po khyod dang / byang chub sems dpa' sems dpa' chen po gzhan dag gis de bzhin gshegs pa'i snying po kun gzhi rnam par shes pa 'di la rab tu
296a₂ brtson zhing bslab par bya ste/ thos pa dang / shes pa tsam gyis chog pa'i 'du shes su mi bya'o/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /zab mo de bzhin gshegs pa yi/ /snying po
296a₃ rnam shes bdun dag dang / /lhan cig 'dzin gnyis rab tu 'jug /mkhas pa dag ni yongs su spong / /me long gzugs bzhin sems snang ste/ /thog ma med nas bag chags bsgos/ /yang dag ji bzhin rab rtogs na/ /dngos po rnams ni
296a₄ dngos po med/ /ji ltar byis pa sor mo'i rtser/ /'dzin cing zla ba mi lta ba/ /de bzhin yi ger zhen pa rnams/ /nga yi yang dag mthong mi 'gyur/ /sems ni gar mkhan bzhin du gnas/ /yid ni ram bu thog pa 'dra/ /rnam shes lnga ni grogs lta bu/ /rnam
296a₅ rtog gar rnams rab tu lta/ /de nas byang chub sems dpa' blo gros chen pos bcom ldan 'das la 'di skad ces gsol to/ /bcom ldan 'das kyis chos lnga dang / rang bzhin dang / rnam par shes pa dang / bdag ma mchis pa gnyis yongs
296a₆ su rtogs par 'gyur ba rnam par dbye ba'i mtshan nyid bshad du gsol/ des bdag dang byang chub sems dpa' gzhan rnams kyang sa thams cad kyi go rims kyi mtshams sbyor zhing chos 'di dag rnam par dbye ba dang / sangs rgyas kyi
296a₇ chos thams cad kyi rjes su 'jug par 'gyur te/ sangs rgyas kyi chos thams cad kyi rjes su zhugs pa ni de bzhin gshegs pa'i rang gis rig pa'i sa'i bar du 'jug par 'gyur ro/ /bcom ldan 'das kyis bka' stsal pa/ blo gros
296a₈ chen po legs par nyon la yid la zung shig / blo gros chen pos bcom ldan 'das la gsol pa/ de bzhin du 'tshal lo zhes bka' mnyan pa dang / bcom ldan 'das kyis bka' stsal pa/ blo gros chen po chos lnga dang / rang bzhin dang / rnam par

_{iiif viewer powered by OpenSeadragon}

295b - 296b

Texts on this page