rKTs

e-texts navigator

Volume

Page

292b₁ khong du chud pas rnam par rtog pa mi skye ste/ sems dang yid dang / yid kyi rnam par shes pa dang / phyi rol gyi dngos po'i rang gi ngo bo'i mtshan nyid la mngon par zhen pa'i rnam par rtog par yang mi ltung la/ sangs rgyas kyi chos kyi rgyu mi skyed pa yang
292b₂ ma yin te/ ye shes kyi rjes su skye bas de bzhin gshegs pa'i rang gis rig pa'i sa 'thob par 'gyur te/ ji ltar skyes bu'i rmi lam na chu bo rgal bar rtsom pa pha rol tu ma phyin par sad la/ sad nas 'di snyam du ci 'di yang dag pa'am/ 'on
292b₃ te yang dag pa ma yin pa zhes rtog par byed pa de ni yang dag pa yang ma yin/ log pa yang ma yin gyi/ gzhan du na thog ma med pa'i mthong ba dang / thos pa dang / bye brag phyed pa dang / rnam par rig pa rgyu'i 'du shes sna tshogs kyi bag chags dang /
292b₄ dbyibs dang / gnas sna tshogs dang / yod pa dang / med pa'i mtshan nyid du lhung ba dang / sems dang yid dang / yid kyi rnam par shes pa'i rmi lam las snang ngo / /blo gros chen po de bzhin du byang chub sems dpa' sems dpa' chen po rnams kyang
292b₅ byang chub sems dpa'i sa brgyad pa la rnam par rtog pa'i mtshan nyid skye bar mthong ba dang / sa dang po nas brtsal bas sa bdun du 'pho ba dang / chos thams cad sgyu ma la sogs pa dang mtshungs par mthong ba'i sbyor bas gzung ba dang /
292b₆ 'dzin pa'i sems rnam par rtog pa'i spyod pa las bzlas te/ sangs rgyas kyi chos kyi sbyor bas byas nas da dung ma thob pa ni thob par byed do/ /blo gros chen po 'di ni byang chub sems dpa' rnams kyi mya ngan las 'das pa'i sbyor ba rnam
292b₇ par mi 'jig pa yin te/ sems dang yid dang / yid kyi rnam par shes pa yongs su spangs nas mi skye ba'i chos la bzod pa 'thob par 'gyur ba'o/ /blo gros chen po don dam pa la ni go rims dang mtshams sbyar ba med de/ snang ba med pa
292b₈ rnam par rtog pa las dben pa'i chos bstan pa'o/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /sems tsam dang ni snang med dang / /gnas 'di dang ni sangs rgyas sa/ /

_{iiif viewer powered by OpenSeadragon}

292a - 293a

Texts on this page