rKTs

e-texts navigator

Volume

Page

292a₁ dang spyi'i mtshan nyid la mkhas shing goms par bya ba dang / so so yang dag par rig pa bzhi rnam par gdon mi za ba'i stobs la mkhas pa dang / ting nge 'dzin gyi sgo dang / sa'i go rims kyi mtshams sbyar ba dang / byang
292a₂ chub kyi phyogs kyi chos rnam par dbye bar bya'o/ /byang chub sems dpa' sems dpa' chen po rnams rang dang spyi'i mtshan nyid mi shes shing sa bdun la mi mkhas pa dang / mu stegs can gyi log pa'i lam du lhung bar mi bya ba'i phyir
292a₃ sa'i go rims gyis rnam par gzhag pa yin te/ blo gros chen po 'di la yang dag par gang yang skye ba'am/ 'jig pa zhes bya ba med do/ /gzhan du na 'di lta ste/ sa'i go rims kyi mtshams sbyar ba dang / khams gsum sna tshogs kyi spyod
292a₄ pa 'di ni sems snang ba tsam ste/ byis pa so so'i skye bo rnams kyis khong du mi chud do/ /byis pa so so'i skye bo rnams kyis khong du mi chud pas 'di lta ste/ nga dang sangs rgyas de dag gis sa'i go rims gyi mtshams sbyar ba dang / khams
292a₅ gsum gyi spyod pa sna tshogs bstan to/ /gzhan yang blo gros chen po nyan thos dang / rang sangs rgyas rnams ni byang chub sems dpa'i sa brgyad la 'gog pa'i snyoms par 'jug pa'i bde ba'i myos pas myos te/ rang gi sems snang ba
292a₆ tsam la mi mkhas pas rang dang spyi'i mtshan nyid du lhung ba/ bag chags kyis bsgribs pa/ gang zag dang chos bdag med par lhung ba chos su 'dzin par lta ba/ rnam par rtog pas mya ngan las 'das par rab tu shes par gyur te/ rab tu
292a₇ dben pa la mos pa'i blo ni ma yin no/ /blo gros chen po byang chub sems dpa'i ni sgo'i bde ba mthong yang sngon gyi smon lam dang / snying brtse ba dang / snying rje chen po dang ldan zhing mthar thug pa'i gnas bcu rnam par dbye ba shes pas rnam
292a₈ par rtog pas mya ngan las 'das par 'du shes par mi 'gyur te/ de ltar mya ngan las 'das pa'i rnam par rtog pa mi skye ba'i phyir/ gzung ba dang / 'dzin pa'i rnam par rtog pa yongs su spong zhing / chos thams cad rang gi sems snang ba tsam du

_{iiif viewer powered by OpenSeadragon}

291b - 292b

Texts on this page