rKTs

e-texts navigator

Volume

Page

291b₁ chen po sa brgyad pa'i byang chub sems dpa' dang / nyan thos dang / rang sangs rgyas rnams kyi sems dang / yid dang / yid kyi rnam par shes pa'i rnam par rtog pa dang / 'du shes ldog par 'gyur ro/ /sa dang po nas sa bdun pa'i bar
291b₂ gyi byang chub sems dpa' de dag khams gsum pa 'di ni sems dang yid dang / yid kyi rnam par shes pa tsam mo zhes so sor rab tu rtog ste/ bdag dang bdag gi dang bral ba/ rang gi rnam par rtog pa'i spyod pa can/ phyi rol gyi dngos
291b₃ po sna tshogs kyi mtshan nyid du ltung ba/ byis pa so so'i skye bo rnams kyi rang gi mtshan nyid gzung ba dang / 'dzin pa'i dngos po rnam pa gnyis su gyur pas mi shes pa'i rjes su song ba/ thog ma med pa'i dus nas rnam par spros pa'i
291b₄ gnas ngan len gyi bag chags kyis yongs su bsgos pa rnams khong du mi chud do/ /blo gros chen po sa brgyad pa'i byang chub sems dpa' sems dpa' chen po dang / nyan thos dang / rang sangs rgyas rnams kyis mya ngan las 'das
291b₅ pa mtshungs kyang byang chub sems dpa' ni ting nge 'dzin blos yongs su bzung bas/ de'i phyir ting nge 'dzin gyi sgo'i bde bas yongs su mya ngan las mi 'da'o/ /gal te yongs su ma bzung du zin na ni de bzhin gshegs pa'i sa yongs
291b₆ su rdzogs par mi 'gyur zhing sems can gyi bya ba thams cad yongs su spongs bar 'gyur la/ de bzhin gshegs pa'i rigs kyi gdung yang chad par 'gyur bas na/ sangs rgyas bcom ldan 'das rnams de bzhin gshegs
291b₇ pa'i bsam gyis mi khyab pa'i yon tan dpag tu med pa ston to/ /nyan thos dang / rang sangs rgyas rnams ting nge 'dzin gyi sgo'i bde bas phrogs par gyur pa'i phyir mya ngan las 'das par 'dus shes so/ /blo gros chen po
291b₈ ngas sa bdun pa'i sems dang / yid dang / yid kyi rnam par shes pa'i mtshan nyid la mkhas shing goms par bya ba dang / bdag dang bdag gir 'dzin pa dang / gang zag dang / chos bdag med pa bsdu ba dang / skye ba dang / 'jig pa dang / rang

_{iiif viewer powered by OpenSeadragon}

291a - 292a

Texts on this page