rKTs

e-texts navigator

Volume

Page

291a₁ bshad de/ /de dag gi ni sems tsam yin/ /de nas yang byang chub sems dpa' blo gros chen pos bcom ldan 'das la 'di skad ces gsol to/ /bcom ldan 'das byang chub sems dpa' dang / nyan thos dang / rang sangs rgyas
291a₂ thams cad kyis 'gog pa'i snyoms par 'jug pa'i go rims kyi mtshams sbyor ba'i mtshan nyid bshad du gsol/ gal te 'gog pa'i snyoms par 'jug pa'i go rims kyi mtshams sbyor ba'i mtshan nyid la mkhas par gyur na/ bdag dang
291a₃ byang chub sems dpa' gzhan rnams kyang 'gog pa'i snyoms par 'jug pa'i bde ba'i sgo spong bar mi 'gyur zhing / nyan thos dang / rang sangs rgyas dang / mu stegs can gyi rmongs par ltung bar mi 'gyur lags so/ /bcom ldan 'das
291a₄ kyis bka' stsal pa/ blo gros chen po shin du legs par nyon la yid la zung shig dang / ngas khyod la bshad par bya'o/ /blo gros chen pos bcom ldan 'das la bcom ldan 'das bshad du gsol/ zhes gsol pa dang / bcom ldan 'das kyis bka' stsal
291a₅ pa/ blo gros chen po sa drug pa'i byang chub sems dpa' sems dpa' chen po dang / nyan thos dang / rang sangs rgyas rnams kyis snyoms par 'jug pa bskyed par byed la/ sa bdun pa'i byang chub sems dpa' sems dpa' chen po rnams ni sems kyi
291a₆ skad cig re re la snyoms par 'jug ste/ dngos po thams cad kyi rang bzhin gyi mtshan nyid yongs su spangs pas snyoms par 'jug gi/ nyan thos dang / rang sangs rgyas rnams ni ma yin te/ nyan thos dang / rang sangs rgyas rnams ni mngon par
291a₇ 'du byed pa'i blo can gzung ba dang / 'dzin pa'i mtshan nyid du lhung bas 'gog pa'i snyoms par 'jug go/ /de bas na sa bdun pa ni yid la byed pas snyoms par 'jug pa ma yin te/ chos thams cad bye brag med pa'i mtshan nyid thob pas rims gyis
291a₈ mtshan nyid kyi dngos po sna tshogs thob pa ni ma yin no/ /dge ba dang mi dge ba'i chos thams cad kyi rang gi mtshan nyid khong du chud de/ snyoms par 'jug pas de'i phyir sa bdun pa la dge ba'i sems kyis snyoms par 'jug pa med do/ /blo gros

_{iiif viewer powered by OpenSeadragon}

290b - 291b

Texts on this page