rKTs

e-texts navigator

Volume

Page

290b₁ 'byung ba chen po 'dus pa'i bye brag dang / 'byung ba dang 'byung ba las gyur pa'i phyir rnam pa gnyis kyi dngos po gzung ba dang 'dzin par rnam par rtog par 'gyur ba dang / rnam par rtog pa gnyis yongs su shes pa dang / phyi rol gyi dngos po
290b₂ dang dngos po med par lta ba gnyis dang bral ba dang / rang gi sems snang ba tsam du khong du chud cing rnam par rtog pa'i bsams pa'i mngon par 'du byed pa las skye'i/ mngon par 'dus ma byas pa ni ma yin no/ /zhes sems dngos po
290b₃ dang dngos po med pa'i rnam par rtog pa dang bral bas na 'jig rten pa dang / 'jig rten las 'das pa dang / 'jig rten las 'das pa mchog gi chos thams cad ni rtag pa yang ma yin/ mi rtag pa nyid kyang ma yin no/ /rang gi sems
290b₄ snang ba tsam du khong du ma chud pas mtha' gnyis kyi lta ba ngan pa'i rgyun du lhung bar 'gyur te/ mu stegs can thams cad kyis rang gi rnam par rtog pa khong du mi chud do/ /so so'i skye bo de dag la gzhi ci yang med pas 'di ltar 'jig rten
290b₅ pa dang / 'jig rten las 'das pa dang / 'jig rten las 'das pa mchog gi chos tshig gi rnam par rtog pa las skye bar byis pa so so'i skye bo rnams kyis khong du chud pa ma yin no/ /de nas bcom ldan 'das kyis don de nyid yang
290b₆ bstan pa'i phyir tshigs su bcad pa 'di dag gsungs so/ /dang po brtsams nas rab spangs shing / /dbyibs dang rnam pa gzhan 'gyur dang / /dngos po gzugs ni mi rtag pa/ /mu stegs blun pos rtog par byed/ /dngos po
290b₇ rnams la 'jig pa med/ /'byung ba 'byung ba'i rang bzhin gnas/ /mu stegs mi rtag 'du shes pa/ /lta ba sna tshogs bying ba 'gyur/ /mu stegs can ni de dag la/ /skye dang 'jig pa gang yang med/ /'byung ba 'byung ba'i rang bzhin rtag /ji skad
290b₈ mi rtag nyid du rtog / thams cad sems tsam snang ba ste/ /rnam pa gnyis su sems kyang 'jug /gzung ba dang ni 'dzin pa'o/ /bdag dang bdag gi yod ma yin/ /tshangs pa sdong po rtsa ba yin/ /yal ga lo ma kun du khyab/ /'di skad du ni ngas

_{iiif viewer powered by OpenSeadragon}

290a - 291a

Texts on this page