rKTs

e-texts navigator

Volume

Page

290a₁ 'jig go zhes zer la/ blo gros chen po mthar phyin pa ni rdul phra mo'i bar du rab tu phye ste/ 'jig pa las so sor brtags na 'byung ba chen po bzhi dang / rgyur byas pa'i gzugs rnams tha dad par mthong ba'i dbyibs dang
290a₂ ring thung mi dmigs te/ 'byung ba chen po bzhi ni ma yin pas 'byung ba chen po bzhi mi 'jig gi/ dbyibs rnam par 'jig par lta bas grangs can gyi smra bar ltung ba yin no/ /de la gzugs nyid mi rtag pa nyid ces bya ba ni 'di lta ste/ gzugs
290a₃ nyid mi rtag pa nyid yin pas dbyibs de dag mi rtag pa nyid de 'byung ba chen po rnams ni ma yin no/ /gal te 'byung ba bzhi po rnams mi rtag pa nyid yin na ni 'jig rten gyi grangs su brjod pa ma yin no/ /'jig rten gyi brjod pa'i dngos po med
290a₄ na ni 'jig rten rgyang pan pa'i lta bar ltung bar 'gyur te/ dngos po thams cad brjod pa'i tshig tsam du mthong zhing rang gi mtshan nyid skye bar mi mthong ba'i phyir ro/ /de la rnam par 'gyur ba'i mi rtag pa zhes bya ba ni 'di ltar gzugs dngos
290a₅ pa gzhan du 'gyur bar snang ba ste/ 'byung ba chen po rnams ni ma yin no/ /ji ltar gser las rgyun du byas pa rnams 'gyur bar snang yang gser gyi rang bzhin 'jig pa ma yin gyi/ rgyan gyi dbyibs la 'jig pa yod pa de bzhin
290a₆ du dngos po gzhan rnam par 'gyur ba la sogs pa yang de bzhin no zhes de la sogs pa'i rnam pas mu stegs can rnams mi rtag pa'i lta bar rnam par rtog go/ /'di ltar mes 'byung ba chen po rnams sregs pa'i tshe rang gi mtshan nyid
290a₇ la ni mi sreg go/ /ci ste so so nas rang gi mtshan nyid gcig gis gcig 'jig par byed na ni 'byung ba dag rgyur byas pa'i gzugs rnams 'chad par 'gyur ba'i rigs so/ /blo gros chen po nga'i chos ni byung ba nyid na rtag pa
290a₈ yang ma yin/ mi rtag pa yang ma yin no/ /de ci'i phyir zhe na/ 'di lta ste/ phyi rol gyi dngos po ma nges pa'i phyir srid pa gsum sems tsam du bstan gyi/ mtshan nyid sna tshogs dang / skye ba dang / 'jig pa yod par ni ma bstan to/ /

_{iiif viewer powered by OpenSeadragon}

289b - 290b

Texts on this page