rKTs

e-texts navigator

Volume

Page

288b₁ drod dang g.yo ba'i chos/ /byis pas rnam par brtags pa ste/ /grangs las ma gtogs chos gzhan med/ /de'i phyir dngos po med par bshad/ /sman pas nad rnams gso ba dag /bstan bcos tha dad med kyang ni/ /nad ni tha dad bye brag gis/ /gnyen po
288b₂ sna tshogs bshad pa ltar/ /nga yang sems can de dag gi/ /nyon mongs nad rnams gzhig pa'i phyir/ /dbang po dag ni rab shes nas/ /de la sgrol ba'i sgo bshad do/ /nyon mongs dbang po tha dad pas/ /chos ni sna tshogs yod ma yin/ /theg
288b₃ gcig 'ba' shig chos ston pa/ /de ni theg pa chen po yin/ /de nas byang chub sems dpa' blo gros chen pos bcom ldan 'das la 'di skad ces gsol to/ /bcom ldan 'das mu stegs can thams cad kyang mi rtag pa nyid do zhes rnam
288b₄ par rtog par bgyid/ bcom ldan 'das kyis kyang 'du byed thams cad mi rtag pas/ /skye zhing 'jig pa'i chos can no zhes bka' stsal na/ 'di'i don ji lta bu log pa'am/ yang dag pa zhig lags/ mi rtag pa nyid la ni rnam pa
288b₅ du mchis/ bcom ldan 'das kyis bka' stsal pa/ blo gros chen po mu stegs can rnams la ni mi rtag pa rnam pa bdun yod kyi/ nga'i bstan pa la ni ma yin no/ /rnam pa bdun gang zhe na/ de dag kha cig 'di skad du mngon par 'dus
288b₆ byas nas/ yongs su spangs pa ni mi rtag pa nyid do zhes zer ro/ /kha cig ni dbyibs rnam par 'jig pa ni mi rtag pa nyid do zhes zer ro/ /kha cig ni gzugs nyid mi rtag pa nyid do zhes zer ro/ /kha cig ni gzugs rnam par 'gyur
288b₇ ba'i gnas skabs ni mi rtag pa nyid ces bya ste/ bar chad med par rang gi ngang gis 'brel zhing 'jig pas/ ji ltar 'o ma las zhor 'gyur ba la sogs pa'i bye brag tha dad pa mthong bar mi nus pa de bzhin du dngos po thams cad
288b₈ la yang rnam par 'jig pa'i mi rtag pa nyid du 'jug go/ zhes zer ro/ /kha cig ni dngos po mi rtag pa nyid do zhes zer ro/ /kha cig ni dngos po'i dngos po med pa mi rtag pa nyid do zhes zer ro/ /kha cig ni chos thams cad mi skye bas mi

_{iiif viewer powered by OpenSeadragon}

288a - 289a

Texts on this page