rKTs

e-texts navigator

Volume

Page

288a₁ 'di ltar rang bzhin med pa dang / /stong pa la sogs dbye bar bya/ /stong phyir stong zhes bshad pa min/ /skye ba med phyir stong zhes bshad/ /rgyu rkyen grangs ni 'dus pa las/ /skye dang 'jig pa yod par gyur/ /rgyu rkyen grangs las
288a₂ logs shig na/ /skye ba dang ni 'jig pa med/ /rgyu rkyen grangs las logs shig na/ /dngos po tha dad yod ma yin/ /gcig dang tha dad ces bya ba/ /mu stegs rnam par rtog pa yin/ /yod med dngos po mi skye ste/ /yod pa ma yin med pa'ang
288a₃ min/ /grangs 'gyur ba ni ma gtogs par/ /gang yang dmigs par mi 'gyur ro/ /kun rdzob tsam du grangs yod pas/ /phan tshun du ni 'brel par byed/ /rgyu rkyen 'brel las logs shig na/ /skye ba'i don ni mi rigs so/ /skye ba med
288a₄ pas dngos mi 'gyur/ /mu stegs can gyi skyon rnams spangs/ /rkyen kyi 'brel pa com bshad de/ /byis pa rnams kyis mi rig go/ /rkyen gyi 'brel las logs shig na/ /dngos po skye ba yod ces pa/ de ni rgyu med smra ba ste/ /'brel pa'i
288a₅ don ni 'jig par byed/ /mar me'i gzugs rnams snang byed ltar/ /'brel pa snang ba'ang de bzhin na/ /de ni 'brel las logs shig na/ /dngos po rnams ni yod pa'i rigs/ /dngos po med pa skye med pas/ /nam mkha'i rang bzhin lta bu'o/ /
288a₆ 'brel pa dag las log gyur na/ /blo yis rtog par bya ba med/ /gzhan yang skye ba med yod de/ /'phags pas thob pa'i chos nyid do/ /gang de'i skye ba mi 'byung ba/ /de ni mi skye bzod pa yin/ /nam zhig 'jig rten 'di dag kun/ /'brel pa
288a₇ tsam du rab rtog na/ /thams cad 'brel pa yongs spangs nas/ /de nas ting 'dzin 'thob par 'gyur/ /mi shes sred pa las la sogs/ /de ni nang gi 'brel pa yin/ /mi shes 'jim gong 'khor lo dang / /sa bon la sogs phyi rol yin/ /gal
288a₈ te dngos po gzhan yod de/ /rgyu dang rkyen las skye zhe na/ /de ni 'brel pa'i don min pas/ /de yang 'grub par mi 'gyur ro/ /gal te skye ba rang bzhin med/ /de ni su yi 'brel par 'gyur/ /phan tshun du ni bskyed pa'i phyir/ /rgyu rkyen don du shes par bya/ /sra gsher

_{iiif viewer powered by OpenSeadragon}

287b - 288b

Texts on this page