rKTs

e-texts navigator

Volume

Page

286b₁ gcig tu sangs rgyas mang po 'byung bar 'gyur te/ bye brag ma mchis pa'i slad du'o/ /bcom ldan 'das kyis blo gros chen po la bka' stsal pa/ ngas bshad pa'i skye ba med pa dang / 'gag pa med pa ni mu stegs can rnams kyi skye
286b₂ ba med pa dang 'gag pa med pa dang mtshungs pa ma yin te/ de ci'i phyir zhe na/ mu stegs can de dag ni dngos po'i rang bzhin yod pas ma skyes pa dang / mi 'gyur ba'i mtshan nyid mi 'thob kyi nga ni de ltar yod pa dang / med pa'i phyogs
286b₃ su lhung ba ma yin no/ /blo gros chen po nga ni yod pa dang med pa'i phyogs dang bral ba/ skye ba dang 'jig pa dang bral ba/ dngos po yang ma yin/ dngos po med pa yang ma yin te/ sgyu ma dang / rmi lam gyi gzugs sna tshogs lta bur snang
286b₄ ba'i phyir dngos po med pa yang ma yin no/ /ji ltar na dngos po med pa yin zhe na/ 'di lta ste/ gzugs kyi rang bzhin gyi mtshan nyid med cing gzung ba rnams snang ba dang mi snang ba'i phyir dang / 'dzin pas yongs su ma bzung ba'i
286b₅ phyir des na dngos po thams cad ni dngos po yang ma yin/ dngos po med pa yang ma yin no/ /'di ltar rang gi sems snang ba tsam du khong du chud pas rnam par rtog pa mi skye zhing shin du bde bas 'jig rten gyi bya ba rnams rab tu
286b₆ zhi ba yin na/ byis pa so so'i skye bo mi mkhas pa rnams bya ba yod par rnam par rtog gi 'phags pa rnams ni ma yin no/ /yang dag pa ma yin pa'i rnam par rtog pa ni dri za'i grong khyer dang / sgyu ma dang / sprul pa'i skyes bu lta
286b₇ bu'o/ /blo gros chen po dper na dri za'i grong khyer gyi nang du sgyu ma dang / sprul pa'i skyes bu'i 'dren pa mang po sna tshogs 'byung zhing 'jug pa la/ byis pa mi mkhas pa'i rnam par rtog pas bden par 'di dag 'byung ngo / /'jug
286b₈ go zhes smra yang yang dag par 'byung zhes bya ba'am/ 'jug pa zhes bya ba med de/ de ni rnam par rtog pa tsam du zad pa'i phyir ro/ /de bzhin du blo gros chen po byis pa so so'i skye bo mi mkhas pa rnams skye ba med pa dang / 'gag pa med

_{iiif viewer powered by OpenSeadragon}

286a - 287a

Texts on this page