rKTs

e-texts navigator

Volume

Page

286a₁ kyis kyang nam mkha' dang / so sor brtags pa ma 'gags pa'i 'gog pa dang / mya ngan las 'das pa'i dbyings ni ma skyes pa dang / ma 'gags pa'o zhes gsungs/ bcom ldan 'das mu stegs can rnams kyang rgyu
286a₂ las 'jig rten rnams skye'o zhes mchi la/ /bcom ldan 'das kyis kyang ma rig pa dang / sred pa dang / las dang / rnam par rtog pa rnams kyis rkyen byas nas 'jig rten rnams skye bar bka' stsal te/ rgyu de dang rkyen 'di ming la bye brag
286a₃ mchis par bas so/ /phyi rol gyi dngos po'i rgyu dang rkyen rnams kyang de bzhin te/ de lta bas na bcom ldan 'das kyis yang mu stegs can gyi smra ba yang bye brag ma mchis par 'gyur ro/ /mu stegs can yang 'di skad du rdul phra mo dang /
286a₄ gtso bo dang / dbang phyug dang / skye dgu'i bdag po la sogs pa rdzas dgu dang bcas pa ma skyes ma 'gags pa'o zhes mchi la/ bcom ldan 'das kyis kyang dngos po thams cad ma skyes pa dang / ma 'gags pas yod pa dang /
286a₅ med pa mi dmigs so zhes bka' stsal/ mu stegs can rnams kyang 'byung ba chen po bzhi mi 'jigs pas rang gi mtshan nyid mi skye mi 'gag go/ /'byung ba chen po bzhi po rnams ni rtag par 'byung ba chen po nyid de 'gro ba kun la
286a₆ khyab par 'jug kyang rang bzhin ni mi 'dor ro zhes mchis pas na/ bcom ldan 'das kyis bka' stsal pa yang de bzhin te/ de'i slad du bdag 'di skad du ngo mtshar che ba ma lags so zhes mchi'o/ /bcom ldan 'das ngo
286a₇ mtshar che zhing mu stegs can rnams las khyad par du gyur pa'i bye brag bshad du gsol/ ci ste bye brag ma mchis na ni mu stegs can rnams kyang sangs rgyas lags par 'gyur te/ 'di ltar skye ba ma mchis pa dang / 'gags
286a₈ pa ma mchis pa'i slad du'o/ /bcom ldan 'das kyis ni 'jig rten gyi khams gcig tu sangs rgyas mang po 'byung ba ni gnas med do zhes kyang gsungs la/ 'di ltar ji skad bka' stsal pa dang sbyar na ni 'jig rten gyi khams

_{iiif viewer powered by OpenSeadragon}

285b - 286b

Texts on this page