rKTs

e-texts navigator

Volume

Page

285b₁ don dam pa'i de kho na nyid 'thob par mi nus so/ /blo gros chen po dper na byis pa chung ngu rnams ni zas g.yos su byas pa rnams bza' ba'i rigs kyi g.yos su ma byas pa rnams ni bza' ba'i mi rigs pa las/ gal te g.yos su ma
285b₂ byas pa zos na smad nad slong bar 'gyur te/ kha zas rim gyis g.yos su bya ba mi shes pa'i phyir ro/ /blo gros chen po de bzhin du skye ba med pa dang / 'gag pa med pa yang thabs kyis mngon par ma bsgrubs na mdzes par mi 'gyur ro/ /
285b₃ de lta bas na blo gros chen po thabs kyis mngon par bsgrub pa la brtson par bya zhing sor mo'i rtse mo la lta ba ltar sgra'i rjes su 'brang bar mi bya'o/ /de'i phyir blo gros chen po de kho na'i don la thabs kyis mngon par brtson par bya'o/ /
285b₄ de la de kho na'i don ni rab tu dben pa ste/ mya ngan las 'das pa'i rgyu'o/ /sgra ni rnam par rtog pa dang rjes su 'thun pa'o/ /rnam par rtog pa ni 'khor ba sdud pa'o/ /blo gros chen po de la de kho na nyid kyi don ni mang du thos pa las
285b₅ thob par 'gyur ro/ /blo gros chen po mang du thos pa ni 'di lta ste/ don la mkhas pa yin gyi sgra la mkhas pa ni ma yin no/ /don la mkhas pa ni mu stegs can gyi smra ba thams cad kyi rjes su mi 'brang bas bdag nyid kyang rjes su
285b₆ 'brang bar mi byed la gzhan dag kyang rjes su 'brang bar byed du mi 'jug ste/ 'di ni yon tan chen po mang du thos pa dang ldan pa zhes bya'o/ /de bas na don 'dod pa rnams kyis mang du thos pa la bsten par bya ste/ 'di lta ste/ don la
285b₇ mkhas pa'o/ /'di las bzlog pa sgra la mngon par zhen pa de dag ni yongs su spang bar bya'o/ /de nas yang byang chub sems dpa' blo gros chen po sangs rgyas kyi byin gyi brlabs kyis bcom ldan 'das la 'di skad ces gsol to/ /
285b₈ bcom ldan 'das kyis skye ba ma mchis pa dang / 'gag pa ma mchis pa zhes rab tu phye ba de ni ngo mtshar du gyur pa ci yang ma mchis so/ /de ci'i slad du zhe na/ mu stegs rnams kyis rgyu yang ma skyes ma 'gags pa'o/ /bcom ldan 'das

_{iiif viewer powered by OpenSeadragon}

285a - 286a

Texts on this page