rKTs

e-texts navigator

Volume

Page

284b₁ yi ge dang bral ba'i phyir ro/ /don dang mi ldan par 'chad pa yang ma yin te/ brjod pa ni sems can gyi rnam par rtog pa yin pa'i phyir ro/ /blo gros chen po gal te chos thams cad ma bshad na ni bstan pa'i chos rnams 'jig par 'gyur ro/ /bstan
284b₂ pa'i chos zhig na ni sangs rgyas dang / byang chub sems dpa' dang / rang sangs rgyas dang / nyan thos rnams kyang med par 'gyur ro/ /de dag med na ni gang zhig su la ci zhig bshad de/ de lta bas na blo gros chen po byang chub sems dpa' sems
284b₃ dpa' chen pos bshad pa brjod pa'i sgra la mngon par chags par mi bya zhing / bsam pa ji lta ba bzhin du mdo sde'i chos rnams rgya cher bshad par bya'o/ /'di ltar sems can rnams kyi re ba dang / nyon mongs pa ni gcig pa ma yin pa'i
284b₄ phyir nga dang sangs rgyas gzhan rnams kyis mos pa tha dad pa sna tshogs kyi sems can rnams sems dang yid dang / yid kyi rnam par shes pa bzlog pa'i phyir chos bstan par bya ba yin gyi/ so so rang gis rig pa 'phags pa'i ye
284b₅ shes kyi gnas thob pa la ni ma yin no/ /blo gros chen po chos thams cad snang ba med pa/ rang gi sems snang ba tsam du khong du chud pa/ rnam par rtog pa gnyis spangs pa'i byang chub sems dpa' sems dpa' chen po rnams kyis don
284b₆ la rtog par bya'i yi ge la rton par mi bya'o/ /blo gros chen po gal te rigs kyi bu'am rigs kyi bu mo gang la la yi ge la rton pa de dag ni bdag kyang don dam pa las nyams par byed la/ gzhan yang rtogs par byed mi nus te/ lta
284b₇ ba ngan pa'i rgyud du lhung bar 'khor rnams la sgrogs par byed de/ chos thams cad dang / sa thams cad dang / mtshan ma thams cad la mi mkhas pas tshig gi rnam grangs rtogs pas khong du mi chud do/ /gal te chos thams cad
284b₈ dang / sa thams cad dang / mtshan ma thams cad la mkhas pa dang / tshig gi rnam grangs rtogs par khong du chud cing dngos po'i don dang ldan par gyur na/ de yang dag pa mtshan ma med pa'i bde bas bdag nyid tshim par byed cing sems can

_{iiif viewer powered by OpenSeadragon}

284a - 285a

Texts on this page