rKTs

e-texts navigator

Volume

Page

282b₁ rgyu med pa'o/ /gang dngos po dang rgyu med pa de ni dmigs pa med pa'o/ /gang dmigs pa med pa de ni spros pa thams cad las 'das pa'o/ /gang spros pa thams cad las 'das pa de ni de bzhin gshegs pa'o/ /de bzhin gshegs pa
282b₂ gang yin pa de ni yang dag par rdzogs pa'i sangs rgyas nyid do/ /blo gros chen po de ni yang dag par rdzogs pa'i sangs rgyas pa nyid ces bya ste/ blo gros chen po yang dag par rdzogs pa'i sangs rgyas pa ni dbang po dang / tshad ma
282b₃ thams cad dang bral ba'o/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /dbang po tshad ma rab bral zhing / /dngos po med cing rgyu yang med/ /blo dang rig bya yongs spangs
282b₄ shing / /mtshan nyid mtshan nyid gzhi yang spangs/ /phung po rkyen sogs sangs rgyas pa/ gcig dang tha dad mthong mi nus/ /gal te mthong ba yod min na/ /ci yi phyir na rnam par rtog /byas pa ma yin ma byas min/ /dngos po ma yin rgyu
282b₅ yang min/ /phung min phung la gnas pa min/ /gzhan yang 'dres pa yod ma yin/ /ji ltar de yis brtags pa ltar/ /dngos po rnams ni yod ma yin/ /med pa'ang ma yin shes par bya/ /de ni chos kyi chos nyid do/ /yod par gyur phyir med
282b₆ pa yod/ /med par gyur phyir yod pa yod/ /med par yang ni 'dzin mi bya/ /yod par yang ni mi brtag go/ /bdag dang bdag med bslad pas na/ /sgra tsam la ni 'jug pa dag /mtha' gnyis su ni bying ba ste/ /bdag dang 'jig rten rlag par byed/
282b₇ nyes pa kun las rnam grol zhing / /nga yi tshul ni rab rtog na/ /de ni yang dag rtogs pa ste/ /'dren pa che la de mi smod/ /de nas byang chub sems dpa' blo gros chen pos bcom ldan 'das la yang 'di skad ces gsol to/ /bcom ldan 'das
282b₈ ji ltar bcom ldan 'das kyis mdo sde gsungs pa las skye ba ma mchis pa dang / 'gag pa ma mchis pa zhes smos pa yang mdzad la/ gzhan yang bcom ldan 'das kyis skye ba ma mchis pa dang / 'gag pa ma mchis pa de ni de bzhin

_{iiif viewer powered by OpenSeadragon}

282a - 283a

Texts on this page