rKTs

e-texts navigator

Volume

Page

282a₁ par bya ste/ de bzhin du ring po dang / thung ngu dang / gzugs sna tshogs rnams kyang phan tshun tha dad do/ /blo gros chen po de bzhin gshegs pa yang phung po dang / khams dang / skye mched rnams dang tha dad pa yang ma yin/ tha mi
282a₂ dad pa yang ma yin no/ /de bzhin du de bzhin gshegs pa yang thar pa dang tha dad pa yang ma yin tha mi dad pa yang ma yin pas/ 'di ltar de bzhin gshegs pa ni thar pa'i ming gis bstan to/ /gal te de bzhin gshegs pa dang thar pa tha dad na
282a₃ ni gzugs kyi mtshan nyid las mngon par 'grub par 'gyur te/ gzugs kyi mtshan nyid las mngon par 'grub pa'i phyir mi rtag par 'gyur ro/ /ci ste tha mi dad na ni rnal 'byor pa rnams kyis thob pa'i mtshan nyid bye brag
282a₄ med par 'gyur te/ rnal 'byor pa rnams kyis bye brag kyang mthong bas na de'i phyir tha dad pa yang ma yin/ tha mi dad pa yang ma yin no/ /de bzhin du shes pa dang / shes bya yang tha dad pa yang ma yin/ tha mi dad pa yang ma yin no/ /
282a₅ blo gros chen po shes pa dang / shes bya tha dad pa yang ma yin/ tha mi dad pa yang ma yin pa ni rtag pa yang ma yin/ mi rtag pa yang ma yin/ byed pa yang ma yin/ byas pa yang ma yin/ 'dus byas kyang ma yin/ 'dus ma byas kyang ma
282a₆ yin/ blo yang ma yin/ rig par bya ba yang ma yin/ mtshan nyid kyang ma yin/ mtshan nyid kyi gzhi yang ma yin/ phung po rnams kyang ma yin/ phung po rnams tha dad pa yang ma yin/ bshad pa yang ma yin/ bshad par bya ba yang
282a₇ ma yin/ gcig pa yang ma yin/ tha dad pa yang ma yin/ gnyi ga yang ma yin/ gnyi ga ma yin pa yang ma yin pa'i phyir tshad ma thams cad dang bral ba'o/ /gang tshad ma thams cad dang bral ba de ni tshig med pa'o/ /gang tshig med
282a₈ pa de ni ma skyes pa'o/ /gang ma skyes pa de ni ma 'gags pa'o/ /gang ma 'gags pa de ni rab tu zhi ba'o/ /gang rab tu zhi ba de ni rang bzhin gyis mya ngan las 'das pa'o/ /gang rang bzhin gyis mya ngan las 'das pa de ni dngos po dang

_{iiif viewer powered by OpenSeadragon}

281b - 282b

Texts on this page