rKTs

e-texts navigator

Volume

Page

281b₁ yin med pa yang ma yin/ gang yod pa yang ma yin/ med pa yang ma yin pa de ni mtha' bzhi las 'das pa'o/ /mtha' bzhi gang yin pa de ni 'jig rten gyi brjod pa'o/ /gang mtha' bzhi las 'das pa de ni mtha' bzhir ma lhung ba'o/ /ma lhung
281b₂ ba'i phyir mkhas pa rnams kyis len par byed de/ de bzhin gshegs pa thams cad kyis tshig gi don kyang de bzhin du rig par bya'o/ /blo gros chen po blo dang ldan pa rnams kyis ji ltar ngas chos thams cad bdag med pa'o zhes bshad
281b₃ pa de'i don kyang khong du chud par bya'o/ /bdag med pa'i dngos po ni bdag med pa nyid de chos thams cad ni rang gi dngos por yod kyi gzhan gyi dngos por ni med do/ /ji ltar ba lang dang rta bzhin te/ blo gros chen po dper na ba lang dang / rta'i
281b₄ dngos po ma yin pa la ba lang dang rta'i dngos po de yang dag par yod pa yang ma yin/ med pa yang ma yin/ yang de rang gi mtshan nyid med pa ni ma yin no/ /de bzhin du blo gros chen po chos thams cad rang gi mtshan nyid med pa yang
281b₅ ma yin te/ rang gi mtshan nyid yod kyang byis pa so so'i skye bo rnams kyis bdag med pa khong du chud par nus pa ma yin te/ 'di ltar rnam par rtog pa'i phyir ro/ /de bzhin du chos thams cad stong pa dang / skye ba med pa dang / rang bzhin med pa
281b₆ yang de bzhin du rig par bya'o/ /de bzhin du de bzhin gshegs pa ni phung po rnams dang / tha dad pa yang ma yin/ gcig pa yang ma yin te/ gal te phung po rnams dang tha dad pa ma yin na ni mi rtag pa yin par 'gyur ro/ /ci ste
281b₇ tha dad na ni sbyor ba rnams don med par 'gyur ro/ /gal te gnyis su gyur na ni tha dad par 'gyur te/ ji ltar ba lang gi rwa bzhin du 'dra ba'i phyir tha dad pa yang ma yin la/ ring thung bye brag yod pa'i phyir tha dad pa yang ma yin te/
281b₈ chos thams cad kyang de bzhin no/ /blo gros chen po ji ltar ba lang gi rwa g.yas pa ni rwa g.yon pa las tha dad la/ rwa g.yon pa ni rwa g.yas pa las tha dad pas/ de'i phyir rwa gnyis ni gdon mi za bar tha dad pa yin par rig

_{iiif viewer powered by OpenSeadragon}

281a - 282a

Texts on this page