rKTs

e-texts navigator

Volume

Page

279a₁ dang / de dag gi rnam par rtog pa mya ngan las 'das pa'i rjes su 'thun par 'gyur ba ma yin pa bshad par bya'o/ /blo gros chen pos bcom ldan 'das la gsol pa/ de bzhin du 'tshal lo zhes bka' mnyan pa dang /
279a₂ bcom ldan 'das kyis 'di skad ces bka' stsal to/ /blo gros chen po mu stegs can kha cig ni phung po dang / khams dang / skye mched rnams 'gags pa dang / yul 'dod chags dang bral ba dang / chos rnams mi rtag par
279a₃ mthong ba dang / sems dang sems las byung ba'i chos kyi phyogs mi skye ba dang / 'das pa dang / ma 'ongs pa dang / da ltar gyi yul mi dran pa dang / nye bar len pa phung po zad pa mar me bzhin 'gags pa dang / sa bon ltar zhig pas
279a₄ rnam par rtog pa mi skye'o zhes de dag gis 'di dag la mya ngan las 'das par 'du shes te/ blo gros chen po 'jig par lta ba la mya ngan las 'das pa zhes bya ba ni ma yin no/ /kha cig ni phyogs nas phyogasu song na thar pa zhes
279a₅ brjod do/ /kha cig ni yul gyi rtog pa 'gags te/ ji ltar rlung zhi ba bzhin du gyur na thar pa zhes brjod do/ /kha cig ni blo dang rig par bya ba mthong ba rnam par zhig pa la thar pa zhes rjod do/ /kha cig ni rtag pa dang / mi rtag par mthong
279a₆ ba la thar pa'o zhes 'du shes so/ /kha cig ni mtshan mar 'du shes pa mang po ni sdug bsngal bskyed pa'i rgyu 'thob par 'gyur ro snyam du bsams nas/ rang gi sems snang ba tsam la mi mkhas pas mtshan ma rnams kyis
279a₇ 'jigs shing skrag ste/ mtshan mid med par mthong ba la rab tu mos shing 'dod nas mya ngan las 'das par 'du shes so/ /kha cig ni nang dang phyi'i chos thams cad kyi rang dang spyi'i mtshan nyid khong du chud pa dang / 'das pa
279a₈ dang / ma 'ongs pa dang / da ltar byung ba ni dngos por yod de/ mi 'jigs pa'o zhes mya ngan las 'das par 'du shes so/ /kha cig ni bdag dang / gang zag dang / sems can dang / srog dang / chos thams cad mi 'jig pa la

_{iiif viewer powered by OpenSeadragon}

278b - 279b

Texts on this page