rKTs

e-texts navigator

Volume

Page

276a₁ tshogs dang / rgyu dang / dpe sna tshogs su 'brel pas rang gi tshul ma mchis te/ rang gi dngos po la mngon par zhen pa lags na ni/ bcom ldan 'das kyang 'jig rten rgyang pan pa nyid ston te/ 'di ltar phyogs tha dad pa
276a₂ sna tshogs nas 'dus pa'i 'khor lha dang / mi dang lha ma yin rnams la tshig gi tshogs rnam pa sna tshogs tshad ma mchis pa rnams kyis rgya cher gsung bas/ de yang rang gi tshul ma mchis pa ma lags sam/ mu stegs can gyi shes
276a₃ pa dang / tha snyad brjod pa'i grangs su mchi ba ma lags sam/ bcom ldan 'das kyis bka' stsal pa/ blo gros chen po nga ni 'jig rten rgyang pan mi 'chad de 'ong ba dang 'gro ba med pas 'ong ba med pa dang / 'gro ba med pa 'ba'
276a₄ zhig tu ston te/ blo gros chen po 'ong ba zhes bya ba ni 'gro ba rnams 'dus pa las skye ba'o/ /'gro ba zhes bya ba ni rnam par 'jig pa ste/ 'gro ba med pa dang / 'ong ba med pa ni mi skye mi 'jig pa yin no/ /blo gros chen po ngas bshad pa'i
276a₅ chos rnams ni 'jig rten rgyang pan par lhung ba dang / rnam par rtog pa'i grangs su gtogs pa ma yin te/ de ci'i phyir zhe na/ 'di lta ste/ phyi rol gyi dngos po dang / dngos po med pa la mngon par ma zhen cing rang gi sems snang ba tsam
276a₆ la gnas pas mtha' gnyis kyi rnam par rtog pas mi g.yos la mtshan ma'i spyod yul dngos po med pa dang / rang gi sems snang ba tsam du khong du chud pas rang gi sems snang ba'i rnam par rtog pa mi skye ste/ rnam par rtog pa
276a₇ mi skye ba ni stong pa dang / mtshan ma med pa dang / mngon par 'du bya ba med pa'i rnam par thar pa gsum la zhugs pas rnam par grol ba zhes bya'o/ /blo gros chen po ngas mngon par dran pa dus gcig gi tshe sa phyogs shig na 'dug
276a₈ pa na bram ze'i 'jig rten rgyang pan pa zhig nga ga la ba der 'ongs nas rab tu dben pa mi 'dri bar nga la 'di skad ces zer ro/ /kye gau ta ma thams cad byas pa yin nam/ ngas de'i tshe 'di skad du kye bram ze thams cad byas pa zhes zer ba

_{iiif viewer powered by OpenSeadragon}

275b - 276b

Texts on this page