rKTs

e-texts navigator

Volume

Page

275b₁ 'khor lo gzhig par bya'o/ /bdag pham par gyur na ni mgo re re nas bcad de pham pa'i nyes pa khas blang ngo zhes dam bcas nas chos smras pa las brgya byin lha'i dbang po pham par byas te/ 'khor lo rtsibs stong dang ldan pa bshig nas
275b₂ slar mi'i 'jig rten 'dir 'ongs so/ /de ltar blo gros chen po 'jig rten rgyang pan pa rgyu dang dpe sna tshogs bkod pas 'di ltar tha na byol song du gyur pas kyang tshig gi tshogs rnam pa sna tshogs kyis lha dang lha ma yin rnams
275b₃ shin du rmongs par byed cing / skye ba dang / 'jig pa'i lta ba la rab tu 'god par byed na/ mi rnams lta smos kyang ci dgos/ de lta bas na blo gros chen po 'jig rten rgyang pan pa rnams yongs su spang bar bya ste/ sdug bsngal skye ba'i
275b₄ rgyu 'thob par byed pas bslab cing bsnyen par mi bya'o/ /blo gros chen po 'jig rten rgyang pan pa rnams ni lus dang blos yul dmigs pa tsam du ston to/ /blo gros chen po 'jig rten rgyang pan pa de dag stong phrag brgya yod de/ phyi
275b₅ ma'i dus lnga brgya tha ma la bstan pa bsdus pa rnams 'jig par byed cing rtog ge ngan pa'i rgyu dang / lta ba rnams rgyas par 'gyur ba na slob ma ngan pa rnams yongs su 'dzin par byed do/ /'di ltar blo gros chen po 'jig rten
275b₆ rgyang pan pa bsdus pa 'jig par byed pa rnams ni tshig gi tshogs dang / rgyu dang / dpe sna tshogs bkod pas mu stegs kyi dngos po rjod cing rang gi rkyen la mngon par zhen pas rang gi tshul yod pa ma yin no/ /blo gros chen po mu
275b₇ stegs can de dag la rang gi tshul gyi bstan bcos med pas gzhan dag la 'jig rten rgyang pan pa rnams dngos po'i sgo brgya stong du ma tshad med pa rnams rgya cher ston par byed de/ rang gi tshul yod pa ma yin pa dang / blun zhing
275b₈ gti mug pa 'jig rten rgyang pan pa yin par rang gis mi shes so/ /de la blo gros chen pos bcom ldan 'das la 'di skad ces gsol to/ /bcom ldan 'das gal te mu stegs can 'jig rten rgyang pan pa rnams tshig gi

_{iiif viewer powered by OpenSeadragon}

275a - 276a

Texts on this page