rKTs

e-texts navigator

Volume

Page

274a₁ spros pa'i bag chags kyis bsgos pa'i blo can rnams kyis de ltar shes pa ma yin no/ /shes pa des de dag ma shes pa'i phyir phyi rol gyi dngos po rnams kyi mtshan nyid kyi rang bzhin la dngos po med do zhes rnam par rtog
274a₂ pa mi spong gi/ rang gi sems snang ba tsam rnam par 'jog pas bdag dang bdag gi mtshan nyid du 'dzin pa la mngon par zhen te/ rang gi sems snang ba tsam du ma chud pas shes pa dang shes bya la so sor rnam par rtog ste/ rnam par
274a₃ rtog pa'i phyir phyi rol gyi dngos po dngos po med par so sor rnam par brtags kyang mi dmigs pas chad par lta ba rab tu rten to/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs
274a₄ so/ /dmigs bya dag ni yod bzhin du/ /shes pa so sor mi rtog pa/ /de ni shes min mi shes par/ /rtog ge pa yis bshad pa yin/ /tha dad min pa'i mtshan nyid dang / /chod pa dang ni nye ring dag /ci ste shes pas mi rtogs na/ /de ni log pa'i
274a₅ shes pa yin/ /rgan po byis pa ldongs gyur dag /shes bya yang dag yod bzhin du/ /shes pa rnams ni mi skye ba/ /de yang log pa'i shes pa yin/ /gzhan yang blo gros chen po byis pa so so'i skye bo rnams thog ma med pa'i dus kyi
274a₆ yang dag pa ma yin pa'i gnas ngan len gyi log pa'i rnam par rtog pas yongs su bsgyur zhing / yongs su bsgyur ba'i tshe rang gi grub pa'i mtha'i tshul dang / bshad pa'i tshul la mi mkhas pas rang gi sems snang ba la phyi rol gyi
274a₇ dngos po'i mtshan nyid du mngon par zhen pa'i phyir thabs kyis brjod pa la mngon par zhen cing / rang gi grub pa'i mtha'i mtha' bzhi rnam par dag pa'i tshul gyi mtshan nyid rnam par 'byed pa la mi mkhas so/ /blo gros chen pos bcom
274a₈ ldan 'das la gsol pa/ ji ltar bcom ldan 'das kyis bka' stsal pa bzhin no/ /bcom ldan 'das ci nas kyang bdag dang byang chub sems dpa' sems dpa' chen po gzhan rnams tshul rnam pa gnyis la mkhas pas ma 'ongs

_{iiif viewer powered by OpenSeadragon}

273b - 274b

Texts on this page