rKTs

e-texts navigator

Volume

Page

272a₁ bstan pa yang ma yin te/ 'on kyang sems can rnams kyi skrag pa'i gnas yongs su spang ba'i phyir sems can gang dag thog ma med pa'i dus nas dngos po'i rang bzhin gyi mtshan nyid la mngon par zhen pa/ 'phags pa'i ye
272a₂ shes kyi dngos po'i rang bzhin la mtshan nyid du lta zhing mngon par zhen pa dag la stong pa nyid kyi chos bshad do/ /blo gros chen po ngas dngos po'i rang bzhin bstan pa ni med mod kyi/ blo gros chen po 'on kyang nga ni rang nyid kyis yang dag pa ji lta
272a₃ ba bzhin du khong du chud pa/ stong pa nyid kyi chos la rab tu gnas shing nor pa'i mtshan nyid du lta ba yongs su spangs pas rang gi sems snang ba dang / dngos po dang / dngos po med par lta ba dang bral ba rnam par thar pa gsum gyi yang dag
272a₄ pa ji lta ba bzhin du khong du chud pa'i phyag rgyas shin du btab cing dngos po'i rang bzhin rnams la so so rang gis rig pa'i blos so sor rab tu rtog cing gnas pas yod pa dang / med pa'i dngos por lta ba'i mtshan nyid yongs su
272a₅ spangs pa yin no/ /gzhan yang blo gros chen po byang chub sems dpa' sems dpa' chen pos chos thams cad ma skyes pa'o zhes dam bca' bar mi bya'o/ /de ci'i phyir zhe na/ 'di lta ste/ dam bca' ba'i dngos po thams cad
272a₆ dngos po med pa'i phyir dang / de'i rgyu las skye ba'i mtshan nyid kyi phyir chos thams cad ma skyes pa'o zhes dam bcas te smras na/ dam bcas pa de nyams par 'gyur ro/ /gang dam bcas pa des chos thams cad ma skyes pa'o zhes
272a₇ dam bcas pa de nyams par 'gyur ba ni 'di ltar dam bca' ba yang ltos pa yod pa las skyes pa'i phyir ro/ /yang ma skyes pa zhes dam bcas pa de ni chos thams cad kyi nang du gtogs pa'i phyir ro/ /ma nyams pa'i mtshan
272a₈ nyid ni mi skye ba'i phyir chos thams cad ma skyes pa zhes dam bcas na smra ba de nyams par 'gyur ro/ /blo gros chen po yod pa dang / med pa ma skyes par dam bcas pa'i dam bcas pa de ni dngos po thams cad kyi nang du gtogs

_{iiif viewer powered by OpenSeadragon}

271b - 272b

Texts on this page