rKTs

e-texts navigator

Volume

Page

269a₁ dngos po thams cad 'gyur ba yang de bzhin no zhes rtog pa'o/ /mu stegs can kha cig ni 'di ltar rtog ste/ dngos po 'gyur gyi rnam par rtog pa de dag ni de bzhin du yang ma yin/ gzhan du yang ma yin par rnam par
269a₂ rtog pa'i phyir de ltar dngos po thams cad 'gyur ba dang / 'o ma dang / zho dang / chang dang / 'bras bu smin pa lta bur shes par bya ste/ mu stegs can dag gis rnam par 'gyur bar brtags pa'i rnam par 'gyur ba de dag med pas na
269a₃ yod pa'am med pa ni rang gi sems snang ba tsam du zad de/ phyi rol gyi dngos po ni dngos po med pa'o/ /blo gros chen po de bzhin du byis pa so so'i skye bo rnams rang gi rnam par rtog pa la goms pas na/ blo gros chen po chos gang yang skye
269a₄ ba'am/ 'jig pa med de/ ji ltar sgyu ma dang / rmi lam gyi gzugs skye bar mthong ba bzhin no/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /dbyibs gnas dus ni 'gyur ba
269a₅ las/ /'byung ba chen po'i dbang po dang / /srid pa bar ma rim skye bar/ /rtog pa yin te mkhas pa min/ /rgyal bas rten cing 'brel 'byung la/ /de dag ltar ni rtog ma yin/ /'on kyang 'jig rten rten 'brel ni/ /dri za'i grong khyer ji bzhin no/ /
269a₆ byang chub sems dpa' blo gros chen pos bcom ldan 'das la 'di skad ces gsol to/ /bcom ldan 'das chos thams cad kyi mtshams sbyor ba'i don dang / rnam par grol ba'i don bshad du gsol/ gal te mtshams sbyor ba dang / mtshams sbyor
269a₇ ba ma lags pa'i mtshan nyid rab tu 'byed pa la mkhas par gyur na/ bdag dang byang chub sems dpa' rnams mtshams sbyor ba thams cad kyi thabs la mkhas pas sgra ji bzhin gyi don la mngon par zhen pa'i mtshams sbyor bar mi ltung
269a₈ ba dang / chos thams cad kyi mtshams sbyor ba dang / mtshams sbyor ba ma lags pa'i mtshan nyid la mkhas pas tshig dang yi ge la rnam par rtog pa'i blo yongs su spangs te/ sangs rgyas kyi zhing thams cad bgrod cing 'khor gyi dkyil 'khor dpag

_{iiif viewer powered by OpenSeadragon}

268b - 269b

Texts on this page