rKTs

e-texts navigator

Volume

Page

268b₁ yang bstan pa'i phyir tshigs su bcad pa 'di dag gsungs so/ /las rnams sogs pa rnams shes te/ /mi sog de ni ye shes so/ /chos rnams so sor rab brtags te/ /snang ba med par rtogs pa dang / /dbang dang stobs kyang thob
268b₂ gyur na/ /de ni shes rab ces bya'o/ /yul dang 'brel ba sems yin te/ /rnam rtogs rig pa ye shes yin/ /snang ba med dang khyad par las/ /shes rab dag ni skye bar 'gyur/ /sems dang yid dang rnam shes dang / /rtogs pa'i 'du shes
268b₃ spangs pa dang / /rnam rtog med pa'i chos thob pa/ /rgyal sras yin te nyan thos min/ /rab zhi khyad par bzod pa dang / /de bzhin gshegs pa rnam dag gi/ /ye shes las ni don dge skye/ /kun du spyod pa rnam par spangs/ /nga yi ye shes
268b₄ rnam gsum ste/ /'phags pas yang dag rab tu phye/ /mtshan nyid de la rtog pa ni/ /dngos po rnams dang 'brel pa'o/ /theg pa gnyis ni ldan pa min/ /ye shes snang ba rnam par spongs/ /dngos po yod par zhen pa ni/ /nyan thos rnams
268b₅ las byung ba yin/ /sems tsam las ni 'das pa na/ /bde gshegs ye shes dri ma med/ /gzhan yang blo gros chen po mu stegs can rnams la rnam par 'gyur bar smra ba rnam pa dgu yod pas mu stegs can rnams kyi 'gyur bar
268b₆ lta ba skye'o/ /'di lta ste/ dbyibs 'gyur ba dang / mtshan nyid 'gyur ba dang / rgyu 'gyur ba dang / rigs 'gyur ba dang / lta ba 'gyur ba dang / ngo bo nyid 'gyur ba dang / rkyen snang bar byed pa 'gyur ba dang / bya ba snang bar byed pa 'gyur ba
268b₇ dang / dngos po 'gyur ba'o/ /blo gros chen po 'di ni rnam par 'gyur ba'i lta ba rnam pa dgu zhes bya ste/ de'i rgyus mu stegs can thams cad yod pa dang med pa las skye ba'i rnam par 'gyur ba smra bar 'gyur ba yin no/ /de la dbyibs
268b₈ 'gyur ba gang zhe na/ 'di ltar dbyibs gzhan du 'gyur bar mthong ba ste/ dper na gser las snod dang / rgyan sna tshogs su byas pas dbyibs sna tshogs su gyur par snang yang gser gyi ngo bo nyid la 'gyur ba med pa de bzhin du

_{iiif viewer powered by OpenSeadragon}

268a - 269a

Texts on this page