rKTs

e-texts navigator

Volume

Page

268a₁ pa dang / med pa la mngon par zhen pa'o/ /'jig rten las 'das pa'i ye shes gang zhe na/ 'di lta ste/ nyan thos dang / rang sangs rgyas thams cad rang dang spyi'i mtshan nyid du lhung ba'i bsams pa la mngon par zhen pa'o/ /
268a₂ 'jig rten las 'das pa mchog gi ye shes gang zhe na/ 'di lta ste/ sangs rgyas dang byang chub sems dpa' rnams kyi snang ba med pa'i chos la rab tu rnam par 'byed pa dang / skye ba med pa dang / 'gag pa med par mthong ba dang / yod pa dang /
268a₃ med pa'i phyogs dang bral ba/ de bzhin gshegs pa'i sa/ gang zag dang / chos bdag tu med pa so so rang gis rig pa las byung ba'o/ /gzhan yang ye shes ni rnam pa gsum yod de/ 'di lta ste/ skye ba dang / 'jig pa rtogs pa'i ye
268a₄ shes dang / rang dang spyi'i mtshan nyid rtogs pa'i ye shes dang / skye ba med pa dang 'gag pa med pa rtogs pa'i ye shes so/ /blo gros chen po de la skye zhing 'jig pa ni rnam par shes pa'o/ /mi skye mi 'jig pa ni ye shes so/ /mtshan ma dang
268a₅ mtshan ma med par lhung ba dang / yod pa dang med par lhung ba dang / mtshan nyid sna tshogs kyi rgyu las skyes pa ni rnam par shes pa'o/ /yod pa dang med pa'i mtshan nyid las shin du 'das pa ni ye shes so/ /gzhan yang skye ba dang ldan pa'i
268a₆ mtshan nyid ni rnam par shes pa'o/ /skye ba med pa dang ldan pa'i mtshan nyid ni ye shes so/ /gzhan yang thogs pa med pa'i mtshan nyid ni ye shes so/ /yul sna tshogs la thogs pa dang bcas pa'i mtshan nyid ni rnam par shes pa'o/ /
268a₇ gzhan yang dngos po gsum 'dus pa las skye ba'i thabs kyi mtshan nyid ni rnam par shes pa'o/ /dngos po dang thabs med pa'i rang bzhin gyi mtshan nyid ni ye shes so/ /gzhan yang thob pa'i mtshan nyid ni rnam par shes pa'o/
268a₈ thob pa med pa'i mtshan nyid ni ye shes te/ rang nyid 'phags pa'i so so rang gis rig pa'i ye shes kyi spyod yul rtogs pas na mi 'jug mi 'byung ba'i phyir chu'i zla ba bzhin no/ /de nas bcom ldan 'das kyis don de nyid

_{iiif viewer powered by OpenSeadragon}

267b - 268b

Texts on this page