rKTs

e-texts navigator

Volume

Page

265a₁ rang rig bstan pa ste/ /gang gis mthong zhing rab 'byed na/ /de dag rtog pa'i dbang mi 'gro/ /ji ltar byis pa rtog pa bzhin/ /yang dag dngos po yod min na/ /ci phyir rtog pa can rnams kyis/ /dngos po med la thar par 'dod/ /
265a₂ 'dus byas so sor rtog pa'i tshe/ /skye 'jig la sogs 'brel mthong ba/ /lta ba gnyis po rgyas par byed/ /phyin log shes pa med pa yin/ /gcig pa de ni yang dag bden/ /nyes med de ni mya ngan 'das/ /'jig rten rnam rtog rab brtags na/
265a₃ sgyu ma rmi lam chu shing bzhin/ /'dod sdang gti mug yod kyang ni/ /yang dag gang zag yod pa min/ /sred pa las ni phung po 'byung / /srid pa sgyu ma rmi lam 'dra/ /de nas byang chub sems dpa' blo gros chen pos bcom ldan 'das la 'di
265a₄ skad ces gsol to/ /bcom ldan 'das yang dag pa ma lags pa yongs su rtog pa'i mtshan nyid bdag la bshad du gsol/ yang dag pa ma lags pa'i yongs su rtog pa rnams ji ltar 'byung bar 'gyur/ ji lta bu la
265a₅ yang dag pa ma lags pa'i yongs su rtog pa zhes bgyi/ chos gang zhig la yang dag pa ma lags pa yongs su rtog lags/ bcom ldan 'das kyis bka' stsal pa/ blo gros chen po legs so legs so/ /de bzhin gshegs pa la
265a₆ de lta bu'i don 'dri bar sems pa ni skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang / mi phal po che'i don dang / phan pa dang bde ba'i phyir zhugs pa yin te/ de'i phyir shin du legs par nyon la
265a₇ yid la zung shig dang / ngas khyod la bshad do/ /blo gros chen pos bcom ldan 'das la gsol pa/ legs so legs so/ /bcom ldan 'das de bzhin du 'tshal lo zhes bka' mnyan pa dang / bcom ldan 'das kyis bka' stsal pa/ blo
265a₈ gros chen po don rnam pa tha dad pa sna tshogs dang / yang dag pa ma yin pa'i rnam par rtog pa sna tshogs las mngon par zhen pa'i rnam par rtog pa 'byung ste/ blo gros chen po gzung ba dang / 'dzin pa la mngon par zhen pa dang / rang gi sems

_{iiif viewer powered by OpenSeadragon}

264b - 265b

Texts on this page