rKTs

e-texts navigator

Volume

Page

263a₁ nyid yang bstan pa'i phyir tshigs su bcad pa 'di dag gsungs so/ /gang gi nub mo mngon sangs rgyas/ /gang gi nub mo mya ngan 'das/ /de dag gnyis kyi bar du yang / /nga yis cung zad bshad pa med/ /rang gis mngon rtogs chos
263a₂ gnas pas/ /de phyir ngas ni 'di skad bshad/ /nga dang sangs rgyas de dag la/ /bye brag gyur pa ci yang med/ /de nas yang byang chub sems dpa' blo gros chen pos bcom ldan 'das la gsol ba btab pa/ bcom ldan 'das chos thams
263a₃ cad kyi mchis pa dang / ma mchis pa'i mtshan nyid bshad du gsol/ /des na bdag dang byang chub sems dpa' sems dpa' chen po gzhan rnams mchis pa dang ma mchis pa spangs nas myur du bla na med pa yang dag par rdzogs pa'i
263a₄ byang chub mngon par rdzogs par 'tshang rgya bar 'gyur ro/ /bcom ldan 'das kyis bka' stsal pa/ blo gros chen po de'i phyir shin du legs par nyon la yid la zung shig dang ngas khyod la bshad do/ /blo gros chen pos bcom ldan 'das la
263a₅ legs so zhes gsol nas bka' mnyan pa dang / bcom ldan 'das kyis bka' stsal pa/ blo gros chen po 'jig rten 'di dag ni gnyis la gnas so/ /'di lta ste/ yod pa la gnas pa dang / dngos po rnams dngos po med pa la mos
263a₆ pa'i lta bar ltung ba ste/ 'byung ba ma yin pa la 'byung bar 'du shes pa'o/ /de la blo gros chen po ji ltar na 'jig rten pa dag yod pa la gnas pa yin zhe na/ 'di lta ste/ 'jig rten ni rgyu dang rkyen rnams yod na skye'i med pa las ma
263a₇ yin pas/ yod pa las skye ste/ med pa las skye ba ni ma yin no zhes blo gros chen po des de skad du smra na/ 'jig rten rgyu med par smra ba yin no/ /blo gros chen po ji ltar na 'jig rten med pa las gnas pa yin zhe na/ 'di lta ste/ 'dod
263a₈ chags dang / zhe sdang dang / gti mug gi dngos por khas blang ba byas la/ de'i 'og tu 'dod chags dang / zhe sdang dang / gti mug gi dngos po med par rnam par rtog cing mngon par zhen pa'o/ /blo gros chen po dngos po yod par khas mi

_{iiif viewer powered by OpenSeadragon}

262b - 263b

Texts on this page