rKTs

e-texts navigator

Volume

Page

262b₁ bcom ldan 'das kyis bka' stsal pa/ blo gros chen po ngas chos rnam pa gnyis la dgongs nas de skad ces smras so/ /chos gnyis gang zhe na/ 'di lta ste/ rang gis mngon par rtogs pa'i chos dang / ngo bo nyid kyis gnas pa'i chos te/ 'di
262b₂ ni chos gnyis shes bya'o/ /chos gnyis po de las dgongs nas de'i phyir ngas de skad ces bshad do/ /de la rang gis mngon par rtogs pa'i chos gang zhe na/ de bzhin gshegs pa de dag gi gang thugasu chud pa de bzhin du ngas kyang rang gis
262b₃ mngon par rtogs pa'i chos mthar phyin pa'i spyod yul tshig gi rnam par rtog pa dang bral ba/ yi ge'i tshul rnam pa gnyis las rnam par grol ba/ lhag chad med par thugasu chud pa'o/ /de la ngo bo nyid kyis gnas pa'i chos gang zhe na/
262b₄ 'di lta ste/ sngon gyi 'phags pa'i lam rnying pa gser dang / dngul la sogs pa'i ngo bo nyid bzhin du chos kyi dbyings rtag par gnas pa yang de bzhin gshegs pa rnams 'jig rten du byung yang rung / 'jig rten du ma byung yang rung ste
262b₅ chos kyi dbyings rtag par gnas pa ni ji ltar grong khyer de dag du 'gro ba'i lam bzhin du 'dug pa'o/ /blo gros chen po dper na/ skyes bu la la zhig 'brog dgon pa na 'khyam pa las grong khyer rnying par 'gro ba'i lam mnyam zhing ma
262b₆ gol ba zhig mthong nas/ grong khyer der zhugs te yid bzhin gyi bde ba rjes su myong na blo gros chen po de ji snyam du sems/ lam de dang / grong khyer na yod pa'i bde ba sna tshogs de dag des byas pa yin nam/ gsol pa/ de ma lags so/
262b₇ bcom ldan 'das kyis bka' stsal pa/ blo gros chen po nga dang 'das pa'i de bzhin gshegs pa dag gis thugs su chud pa'i chos kyi dbyings mi 'gyur bar gnas pa yang de bzhin te/ des na de'i phyir ngas 'di skad du gang gi nub mo
262b₈ ngas mngon par rdzogs par sangs rgyas pa nas gang gi nub mo yongs su mya ngan las 'da' bar 'gyur ba de'i bar du yi ge gcig kyang ma bshad/ mi 'chad 'chad par mi 'gyur ro/ /zhes smras so/ /de nas bcom ldan 'das kyis don de

_{iiif viewer powered by OpenSeadragon}

262a - 263a

Texts on this page