rKTs

e-texts navigator

Volume

Page

261b₁ kyis chos de dag nyid khong du chud na de yang sangs rgyas pa nyid ces bya ste/ des na de'i phyir ngas theg pa gcig tu bshad do/ /de nas bcom ldan 'das kyis don de nyid yang bstan pa'i phyir tshigs su bcad pa 'di gsungs so/ /
261b₂ bdag med rnam gnyis mkhas pa dang / /sgrib gnyis nyon mongs rab spongs dang / /shi 'pho gnyis dang gtan bral ba/ /de ni sangs rgyas nyid ces bya/ /de nas yang byang chub sems dpa' blo gros chen pos bcom ldan 'das la 'di skad
261b₃ ces gsol to/ /ci'i slad du bcom ldan 'das kyis 'khor gyi nang du 'di skad ces nga ni gang 'das pa'i sangs rgyas thams cad nyid do/ /skyes pa'i rabs sna tshogs su yang nga nyid de'i tshe 'khor los bsgyur ba'i rgyal po spyi bo
261b₄ skyes dang / glang po che so drug pa dang / ne tso dang / dbang po dang / drang srong mig bzangs la sogs pa'o zhes skyes pa'i rabs brgya stong gsungs/ bcom ldan 'das kyis bka' stsal pa/ blo gros chen po mtshungs pa rnam pa bzhi'i
261b₅ phyir de bzhin gshegs pa dgra bcom pa yang dag par rdzogs pa'i sangs rgyas rnams 'khor gyi nang du 'di skad ces nga nyid de'i tshe de'i dus na sangs rgyas 'khor ba 'jig dang / gser thub dang / 'od srung du gyur to zhes gsung ngo / /
261b₆ mtshungs pa rnam pa bzhi gang zhe na/ 'di lta ste/ yi ge mtshungs pa dang / gsung mtshungs pa dang / chos mtshungs pa dang / sku mtshungs pa ni mtshungs pa rnam pa bzhi zhes bya ste/ 'di ltar mtshungs pa rnam pa 'di bzhi'i phyir de bzhin
261b₇ gshegs pa dgra bcom pa yang dag par rdzogs pa'i sangs rgyas de skad du gsungs te/ de la yi ge mtshungs pa gang zhe na/ yi ge gang gis nga'i ming sangs rgyas shes brjod pa'i yi ge des sangs rgyas thams cad kyang brjod pas/
261b₈ yi ge de dag gi rang bzhin bye brag med pas na de ni yi ge mtshungs pa zhes bya'o/ /de la gsung mtshungs pa gang zhe na 'di lta ste/ nga'i gsung rnam pa drug bcu rtsa bzhi tshangs pa'i sgra skad kyi dbyangs kyi mtshan nyid du 'byung ngo / /

_{iiif viewer powered by OpenSeadragon}

261a - 262a

Texts on this page