rKTs

e-texts navigator

Volume

Page

257a₁ 'di lta ste/ smra bar bya ba'i dngos po de dag nyid smig rgyu lta bu la mtshan nyid sna tshogs su mngon par zhen pas mngon par zhen te/ 'di lta ste/ sra ba dang / gsher ba dang / tsha ba dang / g.yo ba'i mtshan nyid du dngos po thams
257a₂ cad la rnam par rtog pa de ni mtshan nyid kyi rnam par rtog pa zhes bya'o/ /blo gros chen po nor gyi rnam par rtog pa gang zhe na/ gser dang / dngul dang / nor rin po che rnam pa sna tshogs la mngon par chags pa de ni nor gyi rnam par rtog
257a₃ pa zhes bya'o/ /blo gros chen po rang bzhin gyi rnam par rtog pa gang zhe na/ 'di lta ste/ dngos po'i ngo bo nyid du 'dzin cing 'di ni 'di bzhin gyi gzhan du ma yin no zhes log par lta ba'i rnam par rtog pa dang / tha mi dad pa de ni rang
257a₄ bzhin gyi rnam par rtog pa zhes bya'o/ /blo gros chen po rgyu'i rnam par rtog pa gang zhe na/ 'di lta ste/ rgyu dang rkyen gang gis yod pa dang / med pa'i rnam par rtog pa'i rgyu'i mtshan nyid skyed pa de ni rgyu'i rnam par rtog pa zhes bya'o
257a₅ blo gros chen po lta ba'i rnam par rtog pa gang zhe na/ 'di lta ste/ yod pa dang / med pa dang / gcig pa dang / tha dad pa dang / gnyi ga dang / gnyi ga ma yin par log par lta ba'i mu stegs can gyi rnam par rtog pa la mngon par zhen
257a₆ pa'i rnam par rtog pa de ni lta ba'i rnam par rtog pa zhes bya'o/ /blo gros chen po rigs pa'i rnam par rtog pa gang zhe na/ 'di lta ste/ bdag dang bdag gi mtshan nyid rigs pas brtsad de smra ba ni rigs pa'i rnam par rtog pa zhes
257a₇ bya'o/ /blo gros chen po skye bar rnam par rtog pa gang zhe na/ 'di lta ste/ rkyen rnams kyis yod pa dang / med pa'i dngos po skye bar mngon par zhen pa de ni skye bar rnam par rtog pa zhes bya'o/ /blo gros chen po mi skye bar rnam
257a₈ par rtog pa gang zhe na/ 'di lta ste/ dngos po thams cad ni snga nas skye ba med de/ sa bon med pa las rgyu dang rkyen gyis rgyu med pa'i lus bskyed pa'o/ /zhes 'dzin pa de ni mi skye bar rnam par rtog pa zhes bya'o/ /blo gros chen po 'brel

_{iiif viewer powered by OpenSeadragon}

256b - 257b

Texts on this page