rKTs

e-texts navigator

Volume

Page

256b₁ gzhan yang blo gros chen po kun brtags pa'i rang bzhin rab tu dbye ba dang / rtogs pa'i tshul gyi mtshan nyid bshad par bya ste/ kun brtags pa'i rang bzhin rab tu dbye ba dang / rtogs pa'i tshul gyis mtshan nyid la mkhas
256b₂ pa gang gis khyod dang byang chub sems dpa' sems dpa' chen po gzhan rnams kun du rtog pa spangs shing 'phags pa so so rang gis rig pa la gnas pa dang / mu stegs can gyi tshul rtogs pa dang / shin du
256b₃ mthong ba'i blos gzung ba dang / 'dzin pa'i rnam par rtog pa spangs nas gzhan gyi dbang gi mtshan nyid sna tshogs la kun brtags pa'i rang bzhin gyi 'du byed du rtog par mi 'gyur ro/ /de la blo gros chen po kun
256b₄ brtags pa'i rang bzhin rab tu dbye ba'i tshul gyi mtshan nyid gang zhe na/ 'di lta ste/ brjod pa'i rnam par rtog pa dang / smra bar bya ba'i rnam par rtog pa dang / mtshan nyid kyi rnam par rtog pa dang / nor gyi rnam par rtog pa dang /
256b₅ rang bzhin gyi rnam par rtog pa dang / rgyu'i rnam par rtog pa dang / lta ba'i rnam par rtog pa dang / rigs pa'i rnam par rtog pa dang / skye bar rnam par rtog pa dang / mi skye bar rnam par rtog pa dang / 'brel bar rnam par rtog
256b₆ dang / bcings pa dang ma bcings par rnam par rtog pa yin te/ 'di ni kun brtags pa'i rang bzhin rab tu dbye ba'i tshul gyi mtshan nyid do/ /de la blo gros chen po brjod pa'i rnam par rtog pa gang zhe na/ 'di lta ste/
256b₇ dbyangs dang / glu snyan pa sna tshogs la mngon par zhen pa yin te/ 'di ni brjod pa'i rnam par rtog pa zhes bya'o/ /blo gros chen po smra bar bya ba'i rnam par rtog pa gang zhe na/ 'di lta ste/ gang ci yang rung ba smra bar bya ba'i
256b₈ dngos po'i rang bzhin 'phags pa'i ye shes kyis shes par bya ba de la gnas nas brjod pa'i rnam pa 'byung ba de ni smra bar bya ba'i rnam par rtog pa zhes bya'o/ /blo gros chen po mtshan nyid kyi rnam par rtog pa gang zhe na/

_{iiif viewer powered by OpenSeadragon}

256a - 257a

Texts on this page