rKTs

e-texts navigator

Volume

Page

255b₁ yang rmi lam dang / gzugs brnyan gyi skyes bu ltar gcig pa dang / tha dad pa rnam par spangs pa'i phyir ro/ /blo gros chen po 'phags pa'i ye shes kyi tshul ni phung po dang 'dra bar rtog pas snang ngo / /de ni phung po rnams kyi rang bzhin
255b₂ gyi mtshan nyid de/ khyod kyis bzlog par bya'o/ /rnam par bzlog nas rab tu dben pa'i chos bstan pas sangs rgyas kyi zhing thams cad du mu stegs can gyi lta ba rnams bzlog par bya'o/ /blo gros chen po rab tu dben pa'i chos
255b₃ bstan pa'i tshe chos bdag med pa mthong ba rnam par dag par 'gyur/ mi g.yo ba'i sa la yang rab tu 'jug par 'gyur ro/ /de mi g.yo ba'i sar rab tu zhugs nas/ ting nge 'dzin tshad med pa la dbang byed par 'gyur ro/ /yid kyi lus
255b₄ thob pas sgyu ma lta bu'i ting nge 'dzin rab tu 'thob bo/ /stobs dang / mngon par shes pa dang / dbang rnams rtogs par khong du chud pas sems can thams cad sdud cing phan 'dogs par 'gyur ro/ /dper na sa chen po ni sems
255b₅ can rnams 'deg cing phan 'dogs par byed pa de bzhin du byang chub sems dpa' sems dpa' chen po yang sems can thams cad la phan 'dogs pa yin no/ /gzhan yang blo gros chen po mu stegs can rnams la mya ngan las 'das pa
255b₆ rnam pa bzhi yod de bzhi gang zhe na/ 'di lta ste/ dngos po'i rang bzhin dngos po med pa'i mya ngan las 'das pa dang mtshan nyid sna tshogs kyi dngos po dngos po med pa'i mya ngan las 'das pa dang / rang gi mtshan nyid kyi rang bzhin
255b₇ dngos po med par rtogs pa'i mya ngan las 'das pa dang / phung po rnams kyi rang dang spyi'i mtshan nyid kyi rgyud kyi rgyun chad pa'i mya ngan las 'das pa'o/ /de dag ni mu stegs can rnams kyi mya ngan las 'das pa yin te/ nga'i
255b₈ gsung rab la ma yin no/ /blo gros chen po nga'i gsung rab la ni rnam par rtog pa dang bcas pa'i rnam par shes pa la zlog pa ni mya ngan las 'das pa zhes bya'o/ /blo gros chen pos gsol pa/ bcom ldan 'das kyis

_{iiif viewer powered by OpenSeadragon}

255a - 256a

Texts on this page