rKTs

e-texts navigator

Volume

Page

254b₁ chen po dang / 'byung ba las gyur pa la mkhas par bya'o/ /ji ltar na byang chub sems dpa' 'byung ba chen po dang / 'byung ba las gyur pa la mkhas pa yin zhe na/ blo gros chen po de la byang chub sems dpa' sems dpa' chen po
254b₂ 'di ltar yang dag par rab tu rtog ste/ de don dam pa'i bden par ni 'byung ba chen po dag skye ba med do/ /'byung ba chen po dag la skye ba med par de ltar rab tu rtog par byed de/ de ltar rab tu brtags nas ming dang rgyu mtshan rnams ni rnam par
254b₃ rtog pa tsam dang / rang gi sems snang ba tsam dang / phyi rol gyi dngos po rnams dngos po med par rtogs pa ni rang gi sems snang ba rnam par rtog pa tsam zhes bya'o/ /'di lta ste/ khams gsum pa'i 'byung ba dang / 'byung ba las
254b₄ gyur pa de dag la rab tu brtags na/ ngo bo nyid kyis mtha' bzhi dang bral bas tshul rnam par dag pa bdag dang bdag gi dang bral ba/ yang dag pa'i mtshan nyid rang gi mtshan nyid kyi dbyibs su gnas pa/ ma skyes pa'i mtshan nyid
254b₅ du 'grub par mthong ngo / /blo gros chen po'i ji ltar na 'byung ba chen po bzhi po de dag gis rgyur byas pa'i gzugs rnams skyed ce na/ 'di lta ste/ gsher bar rnam par rtog pa'i 'byung ba chen pos ni phyi nang gi chu'i khams skyed
254b₆ do/ /bya ba nus pa'i rnam par rtog pa'i 'byung ba chen pos ni phyi nang gi me'i khams skyed do/ /g.yo bar rnam par rtog pa'i 'byung ba chen pos ni phyi nang gi rlung gi khams skyed do/ /gzugs gcad du rang bar rnam par rtog pa'i
254b₇ 'byung ba chen pos ni phyi nang gi sa'i khams skyed do/ /gzugs dang nam mkha' gnyi ga yang log pa'i bden pa la mngon par zhen pas phung po lnga 'dus pa dang / 'byung ba chen po dang / 'byung ba las gyur pa skye'o/ /blo gros
254b₈ chen po rnam par shes pa ni gnas rnam pa sna tshogs dang / yul la mngon par chags pa'i rgyus 'gro ba gzhan du mtshams sbyor bar 'gyur ro/ /blo gros chen po sa la sogs pa chen po bzhi dang / 'byung ba las gyur pa rnams

_{iiif viewer powered by OpenSeadragon}

254a - 255a

Texts on this page