rKTs

e-texts navigator

Volume

Page

254a₁ blo gros chen po mtha' bzhi po 'dis chos thams cad yongs su brtags pa la rab tu bslab par bya'o/ /de la blo gros chen po rnam par rtog pa'i mtshan nyid 'dzin pa la mngon par zhen pas rnam par gzhag pa'i blo gang
254a₂ zhe na/ 'di lta ste/ rnam par rtog pa'i mtshan nyid 'dzin pa la mngon par zhen pa gang gis sra ba dang / gsher ba dang / tsha ba dang / g.yo ba yang dag pa ma yin pa rnam par rtog pa'i mtshan nyid 'byung ba chen po rnams su dam
254a₃ 'cha' ba dang / rgyu mtshan dang / dpe la mngon par zhen pas yang dag pa ma yin pa rnam par gzhag pas rnam par bzhag pa ste/ de ni rnam par rtog pa'i mtshan nyid 'dzin pa la mngon par zhen pas rnam par gzhag pa'i blo zhes bya ste/
254a₄ de ni blo rnam pa gnyis kyi mtshan nyid do/ /byang chub sems dpa' sems dpa' chen po gang blo 'di gnyis kyi mtshan nyid dang ldan na gang zag dang chos bdag med pa'i mtshan nyid rtogs par khong du chud cing snang ba med pa'i blo la mkhas pa
254a₅ dang / spyod pa'i sa la so sor rab tu rtog pas sa dang po rab tu 'thob ste/ ting nge 'dzin brgya la snyoms par 'jug /bye brag med pa'i ting nge 'dzin kyang rab tu 'thob/ sangs rgyas dang / byang chub sems dpa' brgya yang
254a₆ mthong / bskal pa brgyar sngon gyi mtha' dang / phyi ma'i mtha'i dngos po la 'jug /'od kyis zhing brgya yang snang bar byed do/ /gong nas gong du sa'i mtshan nyid shes te/ smon lam chen po khyad par can gyis rnam par 'phrul pa la dbang
254a₇ zhing chos kyi sprin gyi dbang bskur bas dbang bskur te/ de bzhin gshegs pa'i so so rang gis thugs su chud pa'i sa thob nas mthar thug pa'i gnas bcu dang rab tu ldan pa'i chos su 'gyur te/ sems can yongs su smin par bya
254a₈ ba'i phyir sprul pa'i 'od zer sna tshogs kyis rnam par mdzes shing so so rang gis rig pa'i bde bas mnyam par gzhag pa yang thob bo/ /gzhan yang blo gros chen po byang chub sems dpa' sems dpa' chen pos 'byung ba

_{iiif viewer powered by OpenSeadragon}

253b - 254b

Texts on this page