rKTs

e-texts navigator

Volume

Page

250a₁ yi ge'i tshogs ni 'di lta ste/ gang gis ming dang tshig gsal bar byed pa de ni yi ge'i tshogs shes bya'o/ /yang yi ge'i tshogs ni 'di lta ste/ ring po dang / thung ngu dang / mtho ba dang / dma' ba'o/ /yang tshig gi
250a₂ tshogs ni 'gro ba'i rjes lta bu ste/ 'di ltar glang po che dang / rta dang / mi dang / ri dgas la sogs pa gang sa la 'gro ba'i rjes rnams ni tshig gi tshogs shes bya ba'i ming 'thob bo/ /blo gros chen po ming dang yi ge ni 'di lta ste/
250a₃ ming gis phung po gzugs med pa bzhi brjod pa'i phyir ro/ /rang gi mtshan nyid snang bar byed pas ni yi ge ste/ de ni ming dang / yi ge'i tshogs shes bya'o/ /'di ni ming dang / tshig dang / yi ge'i tshogs rnams brjod pa'i mtshan nyid de/
250a₄ de la khyod kyis nan tan du bslab par bya'o/ /de nas bcom ldan 'das kyis don de nyid yang bstan pa'i phyir tshigs bcad pa 'di gsungs so/ /ming dang tshig gi tshogs rnams dang / /yi ge'i tshogs la bye brag tu/ /mi shes
250a₅ byis pa chags pa ni/ /ji ltar glang chen rdzab bying bzhin/ /gzhan yang blo gros chen po ma 'ongs pa'i dus na mkhas pa dag gis gcig pa dang / tha dad pa dang / gnyi ga dang / gnyi ga ma yin par lta ba'i mtshan nyid las rnam par grol ba/
250a₆ ngas rtogs pa'i don rnams mi mkhas pa de dag la dris pa na de dag 'di skad du 'di ni tshul bzhin 'dri ba ma yin no zhes zer zhing 'di lta ste/ gzugs la sogs pa dang / mi rtag pa gcig gam tha dad ces bya ba dang / de bzhin du mya
250a₇ ngan las 'das pa las 'du byed dang / mtshan nyid las mtshan nyid kyi gzhi dang / yon tan las yon tan can dang / 'byung ba las 'byung ba las gyur pa dang / mthong ba las mthong bar bya ba dang / rdul las rdul phra mo dang /
250a₈ sgrub pa las rnal 'byor pa dang / de bzhin du gcig la gcig phan tshun dpag pa'i mtshan nyid kyi tshul gyis de dag la sogs pa dris pa rnams bcom ldan 'das kyis lung bstan to/ /zhes zer ro/ /de la gzhag pa'i lung

_{iiif viewer powered by OpenSeadragon}

249b - 250b

Texts on this page