rKTs

e-texts navigator

Volume

Page

249a₁ tshigs su bcad pa 'di gsungs so/ /sgyu mar med min chos 'thun pas/ /dngos po rnams ni sgyu mar brjod/ /yang dag ma yin glog 'dra bas/ /de phyir sgyu ma lta bur bshad/ /blo gros chen pos yang bcom ldan
249a₂ 'das la gsol pa/ 'di ltar bcom ldan 'das kyis dngos po thams cad ni ma skyes pa dang / sgyu ma lta bu zhes gsungs pas/ bcom ldan 'das kyis de skad du bka' stsal pa'i tshig snga ma dang / slad ma 'gal ba nongs par mi
249a₃ 'gyur ram ci na dngos po rnams skye ba ma mchis pa dang / sgyu ma lta bu zhes gsungs/ bcom ldan 'das kyis bka' stsal pa/ blo gros chen po ngas dngos po rnams skye ba med pa dang / sgyu ma lta bur brjod kyang tshig snga phyi 'gal ba'i
249a₄ nyes par mi 'gyur ro/ /de ci'i phyir zhe na/ 'di lta ste/ skye ba rnams skye ba med pa dang / rang gi sems snang ba tsam du rtogs pa dang / phyi rol gyi dngos po dang dngos po med pa yod pa dang med pa las mi skye bar mthong bas na/ blo gros
249a₅ chen po nga'i tshig snga phyi 'gal ba'i nyes par mi 'gyur te/ 'on kyang mu stegs can gyi rgyu las skye ba gzhig pa'i phyir ngas dngos po thams cad ma skyes pa zhes bshad do/ /blo gros chen po mu stegs can glen pa'i tshogs mang po rnams
249a₆ ni dngos po rnams yod pa dang / med pa las skye bar 'dod de/ rang gi rnam par rtog pa sna tshogs la mngon par zhen pa'i rkyen gyis ni ma yin no/ /blo gros chen po nga ni yod na yang ma yin/ med na yang mi skye ste/ de'i phyir nga ni skye ba med
249a₇ pa'i tshig nyid du brjod de/ blo gros chen po dngos por bstan pa ni 'khor bar yongs su 'dzin pa'i phyir dang / med do zhes chad par lta ba rnam par bzlog pa'i phyir dang / nga'i slob ma rnams las sna tshogs kyis skye ba'i gnas
249a₈ yongs su 'dzin par bstan pa'i phyir dngos po'i sgras 'khor ba yongs su 'dzin par byed do zhes bshad do/ /blo gros chen po sgyu ma lta bu'i rang bzhin dang mtshan nyid bstan pa ni dngos po'i rang bzhin dang mtshan nyid yongs su

_{iiif viewer powered by OpenSeadragon}

248b - 249b

Texts on this page