rKTs

e-texts navigator

Volume

Page

248b₁ na/ /nor pa'ang yang dag nyid du 'gyur/ /nor pa thams cad spangs nas kyang / /gal te mtshan ma yang skyed na/ /de nyid kyang ni nor pa ste/ /rab rib yongs su ma dag bzhin/ /gzhan yang blo gros chen po sgyu ma ma yin pa chos
248b₂ dang mtshungs pa yod pa ma yin pas chos thams cad sgyu ma lta bur mthong ngo / /bcom ldan 'das la blo gros chen pos gsol pa/ bcom ldan 'das ni sgyu ma sna tshogs kyi mtshan nyid la mngon par zhen pas chos thams cad
248b₃ sgyu ma lta bu lags sam/ 'on te tha dad pa'i mtshan nyid la mngon par zhen pas lags/ gal te sgyu ma rnam pa sna tshogs kyi mtshan nyid la mngon par zhen pas dngos po thams cad sgyu ma lta bu lags na ni/ bcom ldan 'das
248b₄ dngos po rnams sgyu ma lta bu lags par 'gyur ro/ /de ci'i slad du zhe na/ 'di ltar gzugs sna tshogs kyi mtshan nyid ni rgyu ma mchis pa ma lags la/ bcom ldan 'das rgyu gang yang gzugs sna tshogs kyi mtshan nyid sgyu ma lta bur snang bar
248b₅ bgyid pa ma mchis so/ /bcom ldan 'das de'i slad du sgyu ma sna tshogs kyi mtshan nyid la mngon par zhen pa dang chos 'thun pa ma mchis pas dngos po rnams sgyu ma lta bu ma lags so/ /bcom ldan 'das kyis bka' stsal pa/ blo gros
248b₆ chen po sgyu ma sna tshogs kyi mtshan nyid la mngon par zhen pa dang / chos 'thun pas chos thams cad sgyu ma lta bu ma yin mod kyi/ 'on kyang blo gros chen po chos thams cad ni yang dag pa ma yin te/ myur du 'jig pa glog dang 'dra bas
248b₇ na sgyu ma lta bu zhes bya'o/ /blo gros chen po dper na glog 'gyu ba skad cig tu 'byung la/ byung nas 'jig pa ni byis pa so so'i skye bo rnams la mi snang ste/ de bzhin du chos thams cad kyang rang gi rnam par rtog pa'i rang dang spyi'i
248b₈ mtshan nyid la dngos po med par rab tu rnam par 'byed pa med pa dang / gzugs kyi mtshan nyid la mngon par ma chags pa med pa las snang ngo / /de nas bcom ldan 'das kyis don de nyid yang bstan pa'i phyir/

_{iiif viewer powered by OpenSeadragon}

248a - 249a

Texts on this page