rKTs

e-texts navigator

Volume

Page

247b₁ ci log ma yin pa'i blo yang mi skyed na'o/ /blo gros chen po 'phags pa rnams ma gtogs par nor pa 'di la chung zad tsam du 'du shes yod pa ni 'phags pa'i ye shes kyi dngos po'i mtshan nyid ma yin no/ /blo gros chen po chung zad tsam
247b₂ zhes bya ba de ni byis pa rnams kyi rnam par brtags pas brjod pa yin te/ 'phags pas brjod pa ni ma yin no/ /nor pa de yang phyin ci log dang phyin ci log ma yin par rnam par brtags pas rigs rnam pa gnyis skyed de/ 'di lta
247b₃ ste/ 'phags pa'i rigs dang / byis pa so so'i skye bo'i rigs so/ /'phags pa'i rigs kyang rnam pa gsum du dbye bas 'di lta ste/ nyan thos kyi theg pa dang / rang sangs rgyas kyi theg pa dang / sangs rgyas kyi theg pa'o/ /ji
247b₄ ltar na byis pa so so'i skye bo rnams rnam par brtags pas nyan thos kyi theg pa'i rigs skyed ce na/ 'di lta ste/ rang dang spyi'i mtshan nyid la mngon par zhen pas nyan thos kyi rigs su 'gyur te/ de ltar na rnam par dag pas nyan thos kyi
247b₅ theg pa'i rigs skyed par byed pa yin no/ /blo gros chen po nor pa de nyid rnam par brtags pa rang sangs rgyas kyi theg pa'i rigs bskyed par byed de/ 'di lta ste/ nor pa de nyid kyi rang dang spyi'i mtshan nyid du sgom pa na mngon par zhen pa med
247b₆ pas rang sangs rgyas kyi theg pa'i rigs skyed par byed pa yin no/ /ji ltar na mkhas pa rnams kyis nor pa de nyid la rnam par brtags pas sangs rgyas kyi theg pa'i rigs skyed par byed pa yin zhe na/ 'di lta ste/ rang gi sems
247b₇ snang ba tsam du khong du chud pas phyi rol gyi dngos po dang / dngos po med par rnam par mi rtog na sangs rgyas kyi theg pa'i rigs skyed par byed pa yin te/ 'di ni nor pa de nyid las sangs rgyas kyi theg pa'i rigs skyed par byed pa zhes bya'o/ /
247b₈ gzhan yang dngos po sna tshogs kyi rang bzhin du nor pa la byis pa rnams kyis rnam par brtags pas na byis pa so so'i skye bo'i rigs skyed par byed de/ de ni dngos po yang ma yin/ dngos po med pa yang ma yin pa ni rigs kyi don ces bya'o/

_{iiif viewer powered by OpenSeadragon}

247a - 248a

Texts on this page