rKTs

e-texts navigator

Volume

Page

246b₁ pa dngos po ma mchis pa lags na dngos po thams cad kyang mchis pa ma lags sam/ bcom ldan 'das dngos po dag ma mchis su lags na ni brjod pa yang 'byung bar mi 'gyur na/ bcom ldan 'das de'i slad du brjod pa dngos
246b₂ po mchis pas dngos po thams cad kyang mchis so/ /bcom ldan 'das kyis bka' stsal pa/ blo gros chen po dngos po med pa dag kyang brjod pa yod de/ 'di lta ste/ ri bong gi rwa dang / rus sbal gyi spu la sogs pa 'jig rten na
246b₃ brjod par snang mod kyi blo gros chen po de dag ni dngos po yang ma yin dngos po med pa ma yin te brjod pa tsam du zad do/ /ji ltar khyod kyis smras pa ltar rjod pa rang bzhin yod pas dngos po thams cad kyang yod na ni de lta na khyod kyi smra ba de ni
246b₄ nyams par 'gyur ro/ /blo gros chen po brjod pa ni sangs rgyas rnams kyi zhing thams cad ni yod pa ma yin te brjod pa ni byas pa'o/ /blo gros chen po sangs rgyas kyi zhing la la na mig mi 'dzums pas/ la la na mtshan ma bstan pas/
246b₅ la la na smin ma bskyod pas/ la la na mig rig rig byas pas/ la la na brgod pas/ la la na glal bas/ la la na se gol gyi sgras/ la la na zhing dran pas/ la la na bskyod pas chos ston te/ blo gros chen po dper na/ 'jig rten gyi
246b₆ khams mig mi 'dzums pa dang / spos brtsegs dang / de bzhin gshegs pa kun du bzang po'i zhing khams na spyan mi 'dzums par gzigs pa tsam gyis byang chub sems dpa' dag mi skye ba'i chos la bzod pa dang / khyad par
246b₇ gyi ting 'dzin gzhan dag kyang rab tu 'thob par mdzad do/ /blo gros chen po de'i phyir brjod pa yod pas dngos po thams cad yod pa ni ma yin no/ /blo gros chen po de ni 'jig rten 'di na yang snang ste/ srin bu dang / sbrang ma la sogs
246b₈ pa'i sems can dag kyang rjod pa med par rang gi bya ba byed do/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /nam mkha' ri bong rwa dag dang / /mo sham gyi ni bu dag kyang / /med kyang tshig

_{iiif viewer powered by OpenSeadragon}

246a - 247a

Texts on this page