rKTs

e-texts navigator

Volume

Page

246a₁ do/ /bcom ldan 'das kyis rgyu dang rkyen las dngos po rnams skye bar gsungs shing brjod pa la yang bar du chod pa dang bcas pa'i grub pa'i mtha' dang / bar du chod pa ma mchis pa'i grub pa'i mtha' mchis so/ /
246a₂ bcom ldan 'das mu stegs can dag kyang mchis pa dang ma mchis pa las skye bar brjod/ bcom ldan 'das kyis kyang ma mchis pa las 'byung la byung nas kyang 'jig par gsungs te/ ji ltar bcom ldan 'das kyis
246a₃ ma rig pa'i rkyen gyis 'du byed nas rga shi'i bar du gsungs pa 'di yang bcom ldan 'das kyis rgyu ma mchis par smra ba rnam par brjod pa gsungs kyi rgyur smra ba gsungs pa ma lags so/ /bcom ldan 'das kyis 'di yod pas
246a₄ 'di byung ngo zhes rnam par gzhag pa gsum pa 'di ni rim gyis 'byung bar gzhag pa ma lags par mu stegs can gyis rnam par brjod pa nyid bzang gi/ de bzhin gshegs pa'i ni de de lta ma lags so/ /de ci'i slad du zhe na/
246a₅ bcom ldan 'das mu stegs can rnams kyis ni rten cing 'brel par 'byung ba ma lags pa'i rgyus 'bras bu mngon par sgrub bo/ /bcom ldan 'das kyis ni rgyu yang dngos po lta ltos/ dngos po yang rgyu la ltos pas rgyu dang
246a₆ rkyen yang 'chol par 'gyur zhing de bzhin du phan tshun du thug pa ma mchis par yang 'gyur ro/ /bcom ldan 'das kyis bka' stsal pa/ blo gros chen po nga ni rgyu med par smra ba dang / rgyu dang rkyen chol por smra ba mi yin te/
246a₇ 'di yod par 'di 'byung ngo zhes brjod pa ni gzung ba dang 'dzin pa ngo bo nyid med pa dang / rang gi sems snang ba tsam du khong du chud pa'i phyir ro/ /blo gros chen po gang gzung ba dang 'dzin pa la mngon par zhen pa dang / phyi rol
246a₈ gyi yul gyi dngos po dngos po med pa dang / rang gi sems snang ba tsam khong du ma chud pa de dag la ni 'di lta bu'i nyes par 'gyur gyi nga'i rten cing 'brel par 'byung ba la ni ma yin no/ /blo gros chen pos yang gsol pa/ bcom ldan 'das brjod

_{iiif viewer powered by OpenSeadragon}

245b - 246b

Texts on this page