rKTs

e-texts navigator

Volume

Page

244a₁ mi 'jig mi 'chi ste/ gal te mya ngan las 'das pa 'chi ba zhig yin na ni yang skye ba'i rgyun len par 'gyur ro/ /ci ste 'jig pa zhig yin na ni 'dus byas kyi mtshan nyid du ltung bar 'gyur te/ de'i phyir mya ngan
244a₂ las 'das pa ni 'jig pa dang 'chi ba dang / bral bas na rnal 'byor pa rnams skabs su 'gro ba yin no/ /gzhan yang blo gros chen po mya ngan las 'das pa ni spangs pa ma yin pa dang / thob pa ma yin pa dang / chad pa ma yin pa dang /
244a₃ rtag pa ma yin pa dang / don gcig pa ma yin pa dang / don sna tshogs ma yin pa ni mya ngan las 'das pa zhes bya'o/ /gzhan yang blo gros chen po nyan thos dang / rang sangs rgyas kyi mya ngan las 'das pa ni rang dang spyi'i mtshan nyid
244a₄ khong du chud pa dang / yul gyi 'du 'dzi med pa dang / phyin ci log par mthong bas rnam par rtog pa mi skye ba ste/ de dag gis de la mya ngan las 'das pa'i blor 'gyur ro/ /gzhan yang blo gros chen po rang bzhin gyi mtshan nyid ni rnam pa
244a₅ gnyis te/ gnyis gang zhe na/ 'di lta ste/ brjod pa'i rang bzhin gyi mtshan nyid la mngon par zhen pa dang / dngos po'i rang bzhin gyi mtshan nyid la mngon par zhen pa'o/ /de la brjod pa'i rang bzhin gyi mtshan nyid la mngon par zhen pa
244a₆ ni thog ma med pa'i dus kyi tshig tu spros pa'i bag chags la mngon par zhen pa las byung ngo / /dngos po'i rang bzhin gyi mtshan nyid la mngon par zhen pa ni rang gi sems snang ba tsam du khong du ma chud pa las 'byung ngo / /gzhan yang
244a₇ b lo gros chen po de bzhin gshegs pa rnams ni byin gyi brlabs rnam pa gnyis rnam par gzhag pas byang chub sems dpa' sems dpa' chen po rnams sangs rgyas rnams kyi zhabs la mgo bos gtug cing dri ba yongs su
244a₈ 'dri'o/ /byin gyi brlabs rnam pa gnyis rnam par gzhag pa gang zhe na/ 'di lta ste/ ting nge 'dzin la snyoms par 'jug pa dang / sku dang / zhal dang / gsung thams cad rab tu ston pa'i byin gyi brlabs dang / phyag gis dbang bskur ba'i byin

_{iiif viewer powered by OpenSeadragon}

243b - 244b

Texts on this page