rKTs

e-texts navigator

Volume

Page

234b₁ med pa yang dag par rdzogs pa'i byang chub thob par bya ba de'i phyir de bzhin gshegs pa dgra bcom pa yang dag par rdzogs pa'i sangs rgyas rnams de bzhin gshegs pa'i snying po de skad du ston par mdzad de/ de lta
234b₂ ma yin na ni mu stegs can dag dang mtshungs par 'gyur ro/ /de lta bas na blo gros chen po mu stegs can gyi bdag tu smra ba yongs su spang ba'i phyir de bzhin gshegs pa'i snying po bdag med pa la gnas par bya'o/ /
234b₃ de nas bcom ldan 'das kyis don de nyid yang bstan pa'i phyir/ tshigs su bcad pa 'di gsungs so/ /gang zag rgyun dang phung po dang / /rkyen rnams dang ni rdul dag dang / /gtso bo dbang phyug byed pa dag /sems tsam
234b₄ la ni rnam par brtags/ /de nas byang chub sems dpa' sems dpa' chen po blo gros chen pos ma 'ongs pa'i skye bo'i tshogs la rnam par bltas nas/ yang bcom ldan 'das la 'di skad ces gsol to/ /bcom
234b₅ ldan 'das ji ltar byang chub sems dpa' sems dpa' chen po rnams kyi rnal 'byor gyi thabs chen po mngon par rtogs pa bdag la bshad du gsol/ bcom ldan 'das kyis bka' stsal pa/ blo gros chen
234b₆ po byang chub sems dpa' sems dpa' chen po chos bzhi dang ldan na rnal 'byor gyi thabs chen po 'thob par 'gyur ro/ /bzhi gang zhe na/ 'di lta ste/ rang gi sems snang ba'i rnam par 'byed pa la mkhas pa
234b₇ dang / phyi rol gyi dngos po dngos po med par rab tu rtog pa dang / skye ba dang / gnas pa dang / 'jig pa'i lta ba rnam par spong ba dang / so so rang gis rig pa 'phags pa'i ye shes kyi bde ba gya
234b₈ nom pa thob ste/ 'di ni byang chub sems dpa' sems dpa' chen po chos bzhi dang ldan na/ rnal 'byor gyi thabs chen po thob pa zhes bya'o/ /de la ji ltar na byang chub sems dpa' sems dpa' chen po rang gi snang ba

_{iiif viewer powered by OpenSeadragon}

234a - 235a

Texts on this page