rKTs

e-texts navigator

Volume

Page

229a₁ spyod yul yin te/ de la khyod dang byang chub sems dpa' sems dpa' chen po rnams kyis bslab par bya'o/ /gzhan yang blo gros chen po byang chub sems dpa' sems dpa' chen pos bdag med pa
229a₂ gnyis kyi mtshan nyid rab tu dbye ba la mkhas par bya'o/ /de la bdag med pa gnyis kyi mtshan nyid gang zhe na/ 'di lta ste/ gang zag la bdag med pa dang / chos la bdag med pa'o/ /gang zag la bdag med pa
229a₃ gang zhe na/ 'di lta ste/ bdag dang bdag gi dang bral ba/ phung po dang / khams dang / skye mched 'dus pa mi shes pa dang / las dang sred pa las skyes pa/ ming dang gzugs la sogs par 'dzin pa la mngon
229a₄ par zhen pa las rnam par shes pa skye ba/ 'di ltar dbang po thams cad dang / rang gi sems snang ba'i snod dang / lus dang / gzhi ni rang gi rnam par rtog pas brtags pas rab tu phye ba/ 'bab chu dang / sa bon
229a₅ dang / mar me dang / rlung dang / sprin dang mtshungs par skad cig ma gcig nas gcig tu 'jig par 'gyur ba/ spre'u ltar rab tu g.yo ba/ sbrang ma ltar mi gtsang ba'i gnas la rab tu mos pa/ rab tu 'bar
229a₆ ba'i me ltar chog mi shes pa/ thog ma med pa'i dus nas spros pa'i gnas ngan len gyi bag chags rgyur gyur pa/ zo chun gyi 'khor lo ltar 'khor bar 'gro ba'i srid pa'i 'khor lor gyur pa/ lus rnam pa sna tshogs
229a₇ kyi gzugs 'chang ba/ sgyu ma dang / rig sngags dang / 'khrul 'khor lta bur 'jug cing 'byung ste/ gang mtshan nyid 'di la mkhas pa'i shes pa de ni gang zag la bdag med par shes pa zhes bya'o/ /
229a₈ de la chos bdag med par shes pa gang zhe na/ 'di lta ste/ phung po dang / khams dang / skye mched rnams kyi kun brtags pa'i mtshan nyid kyis rang bzhin tshogs pa ste/ ji ltar phung po dang / khams

_{iiif viewer powered by OpenSeadragon}

228b - 229b

Texts on this page