rKTs

e-texts navigator

Volume

Page

222b₁ gshegs pas sems can rnams kyis rang gi sems snang ba'i rgyud yongs su sbyong ba yang rim gyis rnam par 'dag gi cig car ma yin no/ /dper na rdza mkhan snod rnams byed pa ni rim gyis byed de/ cig car ma yin no/ /
222b₂ de bzhin du de bzhin gshegs pas sems can rnams kyis rang gi sems snang ba'i rgyud yongs su sbyong ba yang rim gyis rnam par 'dag gi cig car ma yin no/ /dper na sa chen po las rdzas rnams rim gyis skye'i cig car skye ba ma
222b₃ yin no/ /de bzhin du de bzhin gshegs pas sems can rnams kyi rang gi sems snang ba'i rgyud yongs su sbyong ba yang rim gyis rnam par 'dag gi cig car ma yin no/ /dper na mi la la rol mo dang / yi ge dang / ri mo dang / bzo sna
222b₄ tshogs slob pa rim gyis mngon par 'grub par 'gyur gyis cig car ma yin no/ /de bzhin du de bzhin gshegs pas sems can rnams kyis rang gi sems snang ba'i rgyud yongs su sbyong ba yang rim gyis rnam par 'dag gi cig
222b₅ car ma yin no/ /dper na me long rab tu phyis pa ni mtshan ma med par gzugs brnyan thams cad cig car snang bar byed do/ /de bzhin gshegs pas sems can thams cad kyis rang gi sems snang ba'i rgyud yongs su snang ba
222b₆ yang de bzhin te/ mtshan ma med cing snang ba med pa rnam par dag pa'i spyod yul cig car ston to/ /dper na nyi ma dang zla ba'i dkyil 'khor ni 'od zer gyis gzugs su snang ba thams cad cig cag mngon par byed do/
222b₇ de bzhin gshegs pa yang rang gi sems snang ba dang / gnas ngan len gyis bag chags dang bral ba'i sems can rnams la de bzhin du bsam gyis mi khyab pa'i ye shes rgyal ba rnams kyi spyod yul cig car ston
222b₈ to/ /dper na kun gzhi rnam par shes pa ni rang gi sems snang ba'i lus dang / gnas dang / longs spyod rnam par gzhag pa'i lus cig car/ rnam par rig cing shes so/ /rten gyi sangs rgyas de dag kyang de bzhin

_{iiif viewer powered by OpenSeadragon}

222a - 223a

Texts on this page