rKTs

e-texts navigator

Volume

Page

216a₁ dang / thabs ni rgyu dang 'bras bu'i rang gi mtshan nyid du yod la 'das pa dang / ma 'ongs pa dang / da ltar byung ba ni sa bon yod pa dang / sa bon med pa'i mtshan nyid do zhes zer te/ de ni sngon gcig nas gcig
216a₂ tu rigs pa'i dngos po brgyud de 'ongs pa rtog ge pa'i rjes su 'jug cing rang gi lta ba'i nyes pa'i bag chags kyis bsgos pas de skad du ston te/ blo gros chen po de ltar byis pa so so'i skye bo rnams lta ba ngan pas zin pa log
216a₃ pa'i gya gyus rab tu rmongs pa dang myos pa'i mi shes pa rnams brdzun du 'di ni thams cad mkhyen pas bstan to zhes zer ro/ /blo gros chen po gal te yang dge sbyong ngam/ bram ze gang la la chos thams cad rang bzhin dang
216a₄ bral ba sprin dang 'gal me'i 'khor lo dang / dri za'i grong khyer dang mtshungs pa dang / ma skyes pa sgyu ma dang / smig rgyu dang / chu'i zla ba dang / rmi lam lta bu dang / nang dang phyi rol tu sems snang ba rnam par rtogs pa dang / thog
216a₅ ma med pa'i dus kyi rnam par spros pa rang gi sems kyi rnam par rtog pa las logs shig na med pa dang / rgyu dang rkyen 'gags shing zad par gyur na/ rnam par rtog pa dang bral bar mthong ba dang / rjod pa dang / brjod par bya ba dang /
216a₆ brtag pa dang / brtag par bya ba dang bral ba/ longs spyod dang / lus su kun gzhi rnam par shes pa rnam par gzhag pa dang / rnam par shes pa'i yul gzung ba dang / 'dzin pa dang / mi mthun pa dang / snang ba med pa'i
216a₇ spyod yul skye ba dang / gnas pa dang / 'jig pa spongs ba dang / rang gi sems las byung ba tsam du rjes su 'jug cing rnam par 'byed na/ blo gros chen po byang chub sems dpa' de dag ni ring por mi thogs par 'khor ba
216a₈ dang / mya ngan las 'das pa mnyam pa nyid dang / snying rje chen po dang / thabs la mkhas pa dang / rtsol ba med pa'i sbyor ba 'thob par 'gyur ro/ /blo gros chen po sems can gyi khams de dag thams cad sgyu ma dang mtshungs

_{iiif viewer powered by OpenSeadragon}

215b - 216b

Texts on this page