rKTs

e-texts navigator

Volume

Page

215b₁ dus kyi rnam par rtog pas yongs su bsgos pa'o/ /dmigs pa zhes bya ba ni 'di lta ste/ rang gi sems snang ba la rnam par shes pa'i yul du rnam par rtog pa'o/ /blo gros chen po dper na 'jim pa'i gong bu dang / rdul phra rab ni
215b₂ tha dad pa yang ma yin/ tha mi dad pa yang ma yin no/ /gser dang rgyan yang de bzhin te/ /blo gros chen po gal te 'jim pa'i gong bu dang / rdul phra rab gnyis tha dad pa zhig yin na ni de dag las brtsams pa ma yin par 'gyur na/
215b₃ de ni yang dag par de dag las brtsams pas na de'i phyir tha dad pa ma yin no/ /ci ste tha mi dad na ni 'jim pa'i gong bu dang / rdul phra rab bye brag med par 'gyur ro/ /de bzhin du blo gros chen po 'jug pa'i rnam par shes pa rnams kun gzhi
215b₄ rnam par shes pa yang dag pa'i mtshan nyid dang / gal te tha dad pa zhig yin na kun gzhi rnam par shes pa rgyu ma yin par 'gyur ro/ /de ste tha dad pa ma yin na ni 'jug pa'i rnam par shes pa 'gags na/ kun gzhi rnam par shes
215b₅ pa yang 'gag par 'gyur ba zhig na/ 'di ltar rang gi yang dag pa'i mtshan nyid ni nges par 'gag par mi 'gyur te/ de'i blo gros chen po rnam par shes pa rnams kyi rang gi yang dag pa'i mtshan nyid 'gag pa ma yin gyi/ las kyi
215b₆ mtshan nyid 'gag go/ /gal te rang gi yang dag pa'i mtshan nyid kyang 'gag pa yin na ni/ kun gzhi rnam par shes pa yang 'gag par 'gyur te/ blo gros chen po kun gzhi rnam par shes pa 'gag par 'gyur ba yin na ni/ mu stegs
215b₇ can chad par smra ba dang / tha mi dad par 'gyur ro/ /blo gros chen po mu stegs can de dag ni 'di skad du smra ste/ 'di lta ste/ 'di ltar yul rnams la 'dzin pa 'gags par gyur na/ rnam par shes pa'i rgyun 'gag par 'gyur ro
215b₈ zhes zer te/ gal te rnam par shes pa'i rgyun 'gags pa yin na ni/ thog ma med pa'i dus kyi rgyun kyang chad par 'gyur ba'i rigs so/ /blo gros chen po mu stegs can rnams rgyun skye ba'i rgyu ni mig gi rnam par shes pa gzugs

_{iiif viewer powered by OpenSeadragon}

215a - 216a

Texts on this page