rKTs

e-texts navigator

Volume

Page

214a₁ 'gag pa'o/ /de la rnam par shes pa rnams kyi mtshan nyid ni rnam pa gsum ste/ 'di lta ste/ 'jug pa'i mtshan nyid dang / las kyi mtshan nyid dang / yang dag pa'i mtshan nyid do/ /blo gros chen po mdor bsdu na ni
214a₂ rnam par shes pa gsum yod do/ /rgyas par bshad na ni mtshan nyid rnam pa brgyad yod de/ rnam pa gsum po dag gang zhe na/ 'di lta ste/ yang dag pa'i rnam par shes pa dang / snang ba'i rnam par shes pa dang / dngos po so
214a₃ sor rnam par rtog pa'i rnam par shes pa'o/ /blo gros chen po dper na me long rab tu gsal bas gzugs brnyan rnams 'dzin par byed pa de bzhin du snang ba'i rnam par shes pa snang ba yang de bzhin no/ /blo gros chen po
214a₄ snang ba'i rnam par shes pa dang / dngos po so sor rnam par rtog pa'i rnam par shes pa de gnyis ni 'jig pa dang / mi 'jig pa'i mtshan nyid de gcig gi rgyu gcig go/ /blo gros chen po bsam gyis mi khyab pa'i bag
214a₅ chags yongs su bsgos pa dang / bsam gyis mi khyab pa'i yongs su 'gyur ba ni snang ba'i rnam par shes pa'i rgyu'o/ /blo gros chen po yul sna tshogs len pa dang / thog ma med pa'i dus kyi rnam par rtog pas yongs
214a₆ su bsgos pa ni dngos po so sor rnam par rtog pa'i rnam par shes pa'i rgyu'o/ /blo gros chen po yang dag pa'i rnam par shes pa de la sgribs par byed pa yang dag pa ma yin pa sna tshogs dang / spros pa rnams 'gags pas
214a₇ dbang po'i rnam par shes pa thams cad 'gag par 'gyur te/ blo gros chen po 'di ni mtshan nyid 'gag pa zhes bya'o/ /blo gros chen po de la rgyun 'gag pa ni mtshams sbyor ba'i rgyu 'gag pa na rgyun 'gag par 'gyur te/
214a₈ gang las 'byung ba 'gags pa dang / gang la dmigs par bya ba 'gags na des rgyun 'gag par 'gyur ro/ /blo gros chen po de ci'i phyir zhe na/ de'i gnas yin pa'i phyir ro/ /de la gnas shes bya ba ni thog ma med pa'i

_{iiif viewer powered by OpenSeadragon}

213b - 214b

Texts on this page