rKTs

e-texts navigator

Volume

Page

211b₁ rab tu dbyer gsol zhes/ /mtshan nyid 'dri ba ci yi phyir/ /bdag med 'dri ba ji lta bu/ /ji ltar mngal gyi snying por skye/ /lus ni tha dad sna tshogs dang / /rtag chad lta ba ji lta bu/ /ji ltar sems ni mnyam par 'jog /brjod
211b₂ dang de bzhin ye shes dang / /tshul khrims rigs dang rgyal ba'i sras/ /rigs pa dang ni smra ba'ang ci/ /slob dpon slob ma ji lta bu/ /sems can rnam pa sna tshogs dang / /'di la sogs pa ji lta bu/ /zas dang skom ni ji
211b₃ lta bu/ /yid gzhungs bdud dang btags pa tsam/ /shing dang khri shing ci phyir zhes/ /rgyal ba'i sras kyis dri ba'i rigs/ /zhing rnams sna tshogs ci yi phyir/ /drang srong yun ring dka' thub dang / /rigs shes bya ba ji lta bu/ /
211b₄ bla ma gang las bslab pa blang / /ci yi phyir na mi dag ngan/ /ci yi phyir na rnal 'byor pa/ /'dod pa'i khams su 'tshang mi rgya/ /'og min du ni grub pa'i mtha'/ /ci phyir mngon shes 'jig rten pa/ /ci phyir dge slong zhes ni brjod/
211b₅ sprul pa'i sangs rgyas ji lta bu/ /rnam smin sangs rgyas ji lta bu/ /de bzhin nyid kyi sangs rgyas gang / /mnyam nyid ye shes sangs rgyas dang / /dge 'dun rnams kyang ji lta bu/ /rgyal sras de bzhin dri ba'i rigs/ /dgu po rgyud mang
211b₆ me tog rnga/ /zhing dang snang ba spangs pa dang / /sems tsam sa ni bdun po dag /dris pa rnams ni yang dag nyid/ /'di dang gzhan yang rab mang ba'i/ /dri ba dag ni rgyal sras dris/ /re re mtshan nyid rab ldan zhing / /lta ba'i
211b₇ nyes pa rnam spangs pa/ /grub mtha'i brjod dang bral ba ste/ /ngas ni da 'dir bstan par bya/ /go rims rnam par gzhag pa'i tshig /rgyal ba'i sras kyis legs par nyon/ /tshig brgya rtsa brgyad 'di dag ni/ /sangs rgyas rnams kyis
211b₈ gsungs bzhin bshad/ /de nas byang chub sems dpa' sems dpa' chen po blo gros chen pos bcom ldan 'das la 'di skad ces gsol to/ /bcom ldan 'das tshig brgya po dag gang lags/ /bcom ldan 'das kyis bka' stsal pa/ /

_{iiif viewer powered by OpenSeadragon}

211a - 212a

Texts on this page