rKTs

e-texts navigator

Volume

Page

210a₁ bzhin nyid kyi sangs rgyas ci/ /ye shes sangs rgyas ji lta bu/ /ci slad 'dod pa'i khams rnams su/ /mngon par rdzogs par 'tshang mi rgya/ /ci yi slad du 'og min pa/ /chags bral khrod du byang chub brnyes/ /bde gshegs mya
210a₂ ngan 'das nas ni/ /yang dag bstan pa su zhig 'dzin/ /lha yi ston pa ji srid bzhugs/ /yang dag chos ni ji srid gnas/ /grub mtha' dang ni lta ba yang / /de dag la ni rnam pa du/ /'dul ba dang ni dge slong ris/ /ci slad rgyu dang rkyen ni
210a₃ gang / /rgyal ba'i sras ni de dag dang / /rang rgyal dang ni nyan thos dag /rgyu gang gis na 'gyur brgyar 'gyur/ /rgyu gang gis ni snang med brgya/ /'jig rten mngon shes ji lta bu/ /'jig rten 'das kyi'ang ji lta bu/ /sems ni
210a₄ sa rnams bdun por yang / /ci ltar ci slad bdag la gsungs/ /dge 'dun la ni rnam pa du/ /ji ltar dge 'dun dben du 'gyur/ /sems can gso ba'i bstan bcos rnams/ /de dag rgyu rkyen gang gis lags/ /ci slad thub pa chen
210a₅ po yis/ /'od srung 'khor ba 'jig dang ni/ /gser thub kyang ni nga yin zhes/ /de skad du ni bka' yang stsal/ /ci slad rtag dang chad pa dang / /de bzhin bdag dang bdag med gsungs/ /ci slad du ni thams cad du/ /yang dag don ni gsung mi
210a₆ mdzad/ /sems can dag gi slad du yang / /sems tsam du ni dbye ba mdzad/ /ci slad skyes bu na chung tshal/ /a ru ra dang skyu ru ra/ /khe la sa dang khor yug ri/ /rdo rje la sogs ri bo rnams/ /rin chen sna tshogs rab
210a₇ brgyan cing / /drang srong dri zas kun gang ba/ /ji ltar ci slad bdag la gsungs/ /bla med 'jig rten mkhyen pa yis/ /theg chen sgrol ba'i sgo rnams dang / /sangs rgyas kun gyi snying po mchog /de yi tshigs bcad gsan pa dang /
210a₈ legs so dris pa rab tu legs/ /blo gros chen po legs par nyon/ /ngas ni deng 'dir rim bzhin du/ /khyod kyis gang dris bshad par bya/ /skye dang skye ba med pa dang / /mya ngan 'das stong skad cig ma/ /rang bzhin med la 'jug par

_{iiif viewer powered by OpenSeadragon}

209b - 210b

Texts on this page