| | e-texts navigator
|
281b1 sna'i rlung gis bskyod par mi nus so/ /de las gzhan pa'i dge slong rnams kyis dang po rnams kyi cho 'phrul thams cad byed par nus kyis/ gnas 'di rnams la rab tu zhugs nas/ bsam gtan bzhi po myur du bsgrub par mi
281b2 nus so/ /de'i phyir bcom ldan 'das kyis klu'i rgyal po 'dul ba de rnams la gnang ba ma byin no/ /klu'i rgyal po bdag gis dge slong 'di'i ba spu'i bu ga tsam yang sna'i rlung gis bskyod par ma nus pas rdzu 'phrul chen por bsams so/ /
281b3 gnas brtan gyis dge slong gi gzugs dor nas/ 'dab bzang bya khyung gi gzugs su mngon par sprul to/ /'dab bzang kyi lus de mthong nas klu'i rgyal po bros par gyur to/ /'dab bzang kyi rjes su 'brel bar klu'i rgyal
281b4 pos rang gi gzugs dor nas bram ze'i khye'u'i gzugs su sprul te/ btsun pa khyed la skyabs su 'gro'o zhes brjod par byed cing gnas brtan gyi zhabs la phyag btsal lo/ /gnas brtan gyis ston pa'i thad du shog cig 'gro ba yin no zhes
281b5 klu'i rgyal po btul nas dug med par byas te bcom ldan 'das kyi drung du phyin no/ /klu'i rgyal pos bcom ldan 'das la phyag byas te/ btsun pa khyed la skyabs su 'gro'o zhes gsol to/ /bcom ldan 'das kyis legs so zhes
281b6 bka' stsal nas/ dge slong 'khor dang bcas pa mgon med zas sbyin gyi gnas su gshegs so/ /mgon med zas sbyin gyis/ btsun pa yun ring por mi 'byon pa ci zhes gsol pa dang / bcom ldan 'das kyis maud
281b7 gal gyi bu dang / dga' bo nyer dga' gnyis g.yul bkye'o zhes bka' stsal to/ /btsun pa su zhig pham su zhig rgyal bar gyur zhes gsol pas/ khyim bdag maud gal gyi bu rgyal bar gyur/ dga' bo nyer dga'
281b8 pham par gyur to zhes bka' stsal to/ /mgon med zas sbyin gyis btsun pa bcom ldan 'das la zhag bdun du gdugs tshod gsol bar zhus/ gnas brtan la bkur sti dang sti btang bgyid par zhus so/ /
iiif viewer powered by OpenSeadragon
281a - 282a Texts on this pageJ34 - klu'i rgyal po dga' bo nyer dga' 'dul ba'i mdo
|